पोविविमा तनाव व्यवस्थापनसम्बन्धी प्रशिक्षण

आदर्श समाज सम्वाददाता
वैशाख ७, २०७९
Pokhara University News

पोखरा । पोखरा विश्वविद्यालयले रजतजयन्तीको अवसरमा व्यक्तिगत रूपान्तरण तथा तनाव व्यवस्थापनमा प्रशिक्षात्मक कार्यक्रम गरेको छ । पोखरा विश्वविद्यालयका उपकुलपति एवं रजतजयन्ती मूल तयारी समितिका अध्यक्ष प्राडा प्रेमनारायण अर्यालको अध्यक्षतामा भएको कार्यक्रममा प्राज्ञ डा. चिन्तामणि योगी र स्वामी योगानन्दले प्रशिक्षण दिएका थिए ।

पोविविका उपकुलपति प्राडा प्रेमनारायण अर्यालले कार्यक्रम उद्घाटन गरे । उनले मान्छेको प्राण, कमाएको धनसम्पत्ति र उसको भौतिक शरीरको कुनै ठेगान नभएको तर उसले कमाएको नाम र प्रतिष्ठा अमर रहने हुनाले व्यक्तिगत चिन्ता र स्वार्थ छाडि सबै सत्कर्ममा लाग्नुपर्नेमा जोड दिए ।

विश्वविद्यालयका रजिष्टार डा. दीपकबहादुर भण्डारीले कम्प्युटरमा हार्डवयर र सफ्टवेयर भएजस्तै मान्छेको शरीररूपी हार्डवयरमा काम नलाग्ने विचारलाई हटाई नयाँ नयाँ सिर्जनात्मक एवं सकारात्मक सोचहरूले मस्तिकलाई समयानूकुल रूपान्तरण गर्नुपर्ने बताए ।

प्रशिक्षक डा. चिन्तामणि योगीले मानिस परिवार मोह, माया प्रेम, तेरो मेरो, धनसम्पत्ति, प्रतिष्ठा आर्जनमै जीवन बिताउने गरेकोले उसले आफैंले आफूलाई चिन्न नसकेको तर्क गरे । उनले मानिस अरूको कारणले नभई आफ्नै कर्मले दुखी र चिन्तित रहने गरेको उल्लेख गरे ।

डा. योगीले पोखरा विश्वविद्यालय शिक्षा क्षेत्रको एउटा महत्वपूर्ण धरोहर भएकोले यसको प्रतिष्ठा अभिवृद्धिका लागि सहयोग र सहकार्यका लागि आफू सधंै लागिपर्ने बताए ।

कार्यक्रमका अर्का प्रशिक्षक स्वामी योगानन्दले मानिस तनाबै तनाबमा जिउने गरेको उल्लेख गर्दै दीर्घ जीवनका लागि मानिसले तनाब व्यवस्थापन गर्नु अपरिहार्य रहेको बताए । त्यसका लागि योग, भोजन शुद्धी, वाणी शुद्धी, परिवेश शुद्धी र सोचको सही प्रयोगले तनाव व्यवस्थापन गर्न सकिने बताए । मन चिन्ताबाट मुक्त गर्दै आनन्दित र पुलकित तुल्याउन उनले लाफिङ थेरापी, मेडिटेसन र विभिन्न योग विधिबारे स्वामी योगानन्दले अभ्यास गराएका थिए ।

पोविवि योजना तथा कार्यक्रम महाशाखा प्रमुख, व्यक्तिगत रूपान्तरण तथा तनाब व्यवस्थापन प्रशिक्षात्मक कार्यक्रम तयारी समितिका संयोजक दीपकराज पौडेलले जिम्मेवारीबाट पन्छिँदैमा तनाब कम नहुने तर्क गरे ।

Related News

सम्बन्धित समाचार

  • इपिएसबारे सचेतनामूलक कार्यक्रम

    आदर्श समाज सम्वाददाता वैशाख १, २०८१
    पोखरा । वैदेशिक रोजगार विभाग (इपिएस) कोरिया शाखा आयोजनामा पोखरामा जनप्रतिनिधि, कर्मचारी, स्वास्थ्य स्वयंसेविका र कोरियामा रहेका ब्यक्तिका परिवारसँग अन्तक्र्रिया…
  • किशोरीका लागि सीपमूलक शिक्षा

    आदर्श समाज सम्वाददाता वैशाख १, २०८१
    पोखरा । पोखरा २९ भण्डारढिकमा रहेको दीपशिखा सामुदायिक पुस्तकालय तथा दीपशिखा बहुउद्देश्यीय सामुदायिक सिकाइ केन्द्रको आयोजनामा किशोरीहरूका लागि २ दिने…
  • आनन्द ज्योति माविमा शुभकामना आदानप्रदान

    आदर्श समाज सम्वाददाता वैशाख १, २०८१
    पोखरा । भूपू विद्यार्थी मञ्च, आनन्द ज्योति मावि पोखरा ३१ ले नयाँ वर्षको अवसरमा शुभकामना आदानप्रदान कार्यक्रम गरेको छ ।…
  • आलु महोत्सवमा विज्ञ–कृषक अन्तक्र्रिया

    आदर्श समाज सम्वाददाता चैत्र ३०, २०८०
    पोखरा । माटो स्वास्थ्य राखे त्यसबाट बढी उत्पादन लिन सकिने चर्चा गरिएको छ । १२ औं राष्ट्रिय हेमजा आलु महोत्सव…
  • गण्डकी बोर्डिङ व्यवस्थापनमा ३ मनोनीत

    आदर्श समाज सम्वाददाता चैत्र ३०, २०८०
    पोखरा । गण्डकी बोर्डिङस्कुल व्यवस्थापन समितिमा ३ सदस्य मनोनीत भएका छन् । सोमबारको बैठकले जग्गादाता मदनबहादुर केसी, एग्बोसाका निवर्तमान अध्यक्ष…

hero news full width

trending post

ट्रेन्डिङ्ग