पोखरा । नेपाली कांग्रेस पोखरा महानगरपालिका कार्यसमितिले पोखरा महानगरको प्रमुख पद कांग्रेसलाई नै चाहिने जनाएको छ ।

सचिवद्वय गणेशबहादुर थापा र टुबराज बास्तोलाले सोमबार विज्ञप्ति जारी गरी कांग्रेस एक्लै निर्वाचनमा जाँदा पनि प्रमुख र उपप्रमुखसहित अधिकांश वडाहरुसमेत नेतृत्व लिन सक्ने अवस्था रहेको जनाएका छन् ।

गठबन्धनमा रहेका दलहरुले आफ्नो हैसियत भन्दा ठूलो माग राखी समय बर्बादी गर्न तल्लीन भएको उनीहरुको आरोप छ । कांग्रेसका उम्मेदवार घोषणा गर्न महानगर समितिले माग गरेको छ ।