मागेजति नपाउने भएपछि माधव नेपालकाे घुर्की, कांग्रेसबाहेकको गठबन्धन गर्न देशभर सर्कुलर

आदर्श समाज सम्वाददाता
वैशाख ५, २०७९
madhav nepal

पोखरा ।  नेकपा एकीकृत समाजवादीले देशभरका जिल्ला कमिटीहरुमा कांग्रेसबाहेकको गठबन्धन गर्न सर्कुलर जारी गरेको छ।

माधव नेपाल नेतृत्वको गठबन्धनले कांग्रेसलाई तीनवटा आरोप लगाउँदै सम्भव भएका जिल्लामा प्रयास जारी राख्‍ने र नभएका जिल्लामा कांग्रेसबाहेकको गठबन्धन गर्न सर्कुलर जारी गरिएको हो।

सर्कुलरको सूचनामा कांग्रेसमाथि तीनवटा आरोप लगाइएको छ। जसमा काठमाडौंका कुनै पनि स्थानमा नगरप्रमुख दिन तयार नभएको, जम्मा तीनवटा मात्रै उपप्रमुख अन्य दललाई दिन तयार भएको, वडा बाँडफाँट वडा तहबाट नै गर्ने धारणा रहेको र आफूले जितेको कुनै पनि स्थानमा वडा सदस्यसमेत अन्य दललाई दिन तयार नभएको आरोप लगाएको छ।

सर्कुलरमा भनिएको छ,  गठबन्धनको कांग्रेससँगको यात्रा सहज देखिएको छैन। आ(आफ्नो ठाउँमा कांग्रेससँगको गठबन्धनको सम्भावना कायम राख्दै कांग्रेसबाहेकको गठबन्धनको तयारीमा भोलि देखिनै लाग्न अनुरोध छ।

कांग्रेसको केन्द्रीय कार्यसमितिले भने यसअघि गठबन्धनमा रहेका सबै दलहरुलाई मिलाएर अघि बढ्ने सर्वसम्मत निर्णय गरेको थियो। कांग्रेसले स्थानीय तहको आवश्यकताका आधारमा तालमेल गर्ने निर्णय गरेको हो।

अध्यक्ष नेपालले सत्ता गठबन्धनका पाँच दलबीच स्थानीय तहमा उम्मेदवारीका लागि सिट बाँडफाँट गरिँदा गत चुनावमा आफ्नो पुरोना पार्टी एमालेले जितेका स्थान आफ्नो पार्टीले पाउनुपर्ने दाबी गरेका थिए। पार्टीको सम्पर्क विशेष प्रदेश कमिटीले शनिबार काठमाडौंमा आयोजना गरेको कार्यक्रममा उनले ०७४ सालको निर्वाचनमा एमालेले जितेका स्थानको हकदार एकीकृत समाजवादी भएको बताएका थिए।

उनले समाजवादीको सम्पर्क समन्वय कमिटीको कार्यक्रमलाई शनिबार नै सम्बोधनका क्रममा नेपालले आफ्नो पार्टीको शक्तिलाई अवमूल्यन नगर्न पनि चेतावनीसमेत दिएका थिए।

Related News

सम्बन्धित समाचार

  • प्रकाशकीय : हामी डगमगाएका छैनौं

    कृष्णप्रसाद बास्तोला, अध्यक्ष/प्रधान सम्पादक वैशाख १, २०८१
    आदर्श समाज राष्ट्रिय दैनिक आजबाट २९ वर्षमा प्रवेश गरेको छ । यस सुखद अवसरमा आदर्श समाज बहुमुखी प्रकाशन प्रालिका तर्फबाट…
  • गण्डकीको वर्ष ८० : प्रदेश तहमाथि प्रश्न थपिएको वर्ष

    आदर्श समाज सम्वाददाता वैशाख १, २०८१
    पोखरा । विकास खर्च कमजोर छ । प्रदेशलाई बलियो बनाउन चाहिने कानुन अझै बनिसकेका छैनन् । सेवा प्रवाह जनमैत्री हुन…
  • सम्भावनाले भरिपूर्ण गैंडाकोट

    आनन्द पोखरेल वैशाख १, २०८१
    गैंडाकोट नगरपालिका नेपालको मध्यभागमा अवस्थित साविक नवलपरासी जिल्लाबाट टुक्रिएर बनेको पूर्वतर्फको खण्ड हो । साविकको नवलपरासी जिल्लाबाट नयाँ जिल्ला बनेको…
  • धार्मिक पर्यटनको गन्तव्य गैंडाकोट

    प्रेम क्षेत्री वैशाख १, २०८१
    नेपालको मध्यभागमा पर्ने नवलुरको गैंडाकोट नगरपालिका धार्मिक हिसाबले महत्वपूर्ण छ । गैंडाकोटमा ऐतिहासिक धार्मिक क्षेत्रहरु धेरै छन् । गैंडाकोट नगरपालिकामा…
  • दुवै पक्षले जित महसुस गर्नेगरी विवाद मिलाउँछौं

    आदर्श समाज सम्वाददाता वैशाख १, २०८१
    नेपालमा न्यायसम्पादनको अधिकार ३ तहका अदालतमा रहे पनि नेपालको संविधान २०७२ र कानुनले केही न्यायिक अधिकार स्थानीय तहलाई समेत दिएको…

hero news full width

trending post

ट्रेन्डिङ्ग