सिमपानी तमु समाजको सम्मान

आदर्श समाज सम्वाददाता
वैशाख ५, २०७९
simpani sammans

पोखरा । सिमपानी तमु समाजले नयाँ वर्ष अवसरमा स्यो कैं, सम्मान तथा विविध सांस्कृतिक कार्यक्रम गरेको छ । समाजका संस्थापक अध्यक्ष क्या.धरमसिंह गुरुङको प्रमुख आतिथ्यमा भएको कार्यक्रममा समाजका ८४ वर्ष भन्दा माथिका ज्येष्ठ सदस्यहरु, समाजका सहयोगीलाई सम्मानपत्र, भांग्रा, क्रमु, खादाले सम्मान गरिएको हो ।

प्रमुख अतिथि गुरुङले समाजको स्थापनाको उद्देश्य र वर्तमानको विकासक्रमलाई ध्यानमा राख्दै समाजलाई थप एकता र सिर्जनात्मक बनाउनुपर्ने बताए ।

तमु धिं नेपालका अध्यक्ष हुमबहादुर गुरुङले तमुहरुको एकता, सामुहिकताका लागि सबै सचेत हुनुपर्ने बताए । उनले युवा पुस्तालाई समाजको महत्व, शिक्षा, प्रशासन, राजनीतिक नेतृत्वतर्फ अगाडि बढाउन समाज र परिवारले भूमिका खेल्नुपर्ने बताए । यस्तै, भीमकालीपाटन तमु समाजका अध्यक्ष भक्तबहादुर गुरुङ, सुखवती बौद्ध गुम्बाका अध्यक्ष बमबहादुर गुरुङ, तान्चोक नौजेपैगीं लामा परिवारका अध्यक्ष सुमे रामधोज गुरुङ लगायतले शुभकामना व्यक्त गरेका थिए ।

समाजका अध्यक्ष नासु गंगाबहादुर गुरुङको अध्यक्षतामा भएको कार्यक्रममा सचिव माया गुरुङको सञ्चालन गरेकी थिइन् ।

Related News

सम्बन्धित समाचार

hero news full width