लमजुङ । लमजुङको ग्रामीण पर्यटनको स्मार्ट घलेगाउँ ‘सुखी गाउँ’ घोषणा भएको छ । पूर्वप्रधानमन्त्री एवं नेकपा एमालेका अध्यक्ष केपी शर्मा ओलीले घलेगाउँलाई ‘सुखी गाउँ’ घोषणा गरेका हुन् ।
सो अबसरमा पूर्वप्रधानमन्त्री ओलीले घलेगाउँ स्मृति स्तम्भको समेत उद्घाटन गरे । उनले ‘सुखी नेपाली समृद्ध नेपाल’को परिकल्पना घलेगाउँबाट शुरु भएको पनि बताए । घलेगाउँलाई सुखी गाउँ घोषणा गर्दै ओलीले ‘नेपालको पहिलो सुखी गाउँ’ घोषणा गर्न पाउँदा खुसी व्यक्त गरेका थिए ।
चुनावको प्रचार अभियानमा जुटेका ओलीले आगामी चुनावमा आफ्नो पार्टीले बहुमत प्राप्त गर्ने दावी गरे । एमालेप्रति जनताको आकर्षण बढ्दै गएकोले आगामी निर्वाचनमा एमाले पहिलो पार्टी बन्ने उनको जिकिर थियो । उनले भने, ‘एमाले केही क्षणका लागि मात्रै प्रतिपक्षमा बसेको हो ।’
घोषणासभा कार्यक्रममा गण्डकी प्रदेशका संस्थापक मुख्यमन्त्री एवं एमालेका उपमहासचिव पृथ्वीसुब्बा गुरुङलगायतका एमालेका केन्द्रीय, प्रदेश र जिल्लास्तरका नेताहरूको सहभागिता थियो ।
आधारभूत मापदण्ड पूरा भएको हुँदा घलेगाउँलाई ‘सुखी गाउँ’ घोषणा गरिएको हो । २०५६ सालबाट घलेगाउँमा होमस्टे (घरबास कार्यक्रम)अवधारणा शुरु भएको हो । स्याङ्जाको सिरुवारीको सिको गर्दै घलेगाउँले होमस्टेको थानली गरेको हो । त्यसपछिका वर्षमा लमजुङमा होमस्टेको लहर चलेको छ र ऐले जिल्लामा झण्डै दुई दर्जन होमस्टे गाउँ बनिसकेका छन् । उक्त गाउँमा परम्परागत गुरुङ संग्रहालय समेत छ । २०७३ माघ २२ मा राष्ट्रपति विद्यादेवी भण्डारीले उक्त गुरुङ संग्रहालय उद्घाटन गरेकी थिइन ।
घलेगाउँ दुईपटक सार्क राष्ट्रको नमुना गाउँ घोषणा भइसकेको छ । पहिलो पटक २०६५ मा पहिलोपटक दक्षिण एसियाली मुलुकको नमुना पर्यटकीय गाउँ ‘सार्क भिलेज’ घोषित भएको हो । सडक, खानेपानी, स्वास्थ्य, शिक्षा केही नभएको गाउँलाई कसरी सुखी बनाउन सकिन्छ भनेर तत्कालीन गाविस अध्यक्ष प्रेमबहादुर घलेले छलफल चलाए । उनले गाउँमा पाहुना बोलाउन थाले । काठमाडौं, पोखराका सरकारी कर्मचारी घलेगाउँ आउन थाले । २०५७ वैशाख २३ मा प्रथम महोत्सव गरी घलेगाउँमा १२ घर होमस्टे स्थापना गरे । गाउँको प्रचारप्रसार गर्न २०५८ वैशाखमा घलेगाउँ पहिलो पटक कला महोत्सव आयोजना गरिएको थियो ।
क्व्होलासोंथर गाउँपालिका– ३ मा पर्ने घलेगाउँमा १ सय ३० घर छन् । यो गाउँमा सुरुका दिनमा १० घरबाट घरबास कार्यक्रमको अवधारणा अनुरुप होमस्टे सञ्चालनमा ल्याइएको थियो । गाउँमा अहिले दलित समुदायका दुई घरसहित घले र गुरुङका गरी ४२ घरमा होमस्टे सञ्चालित छन् । विदेश गएकासमेत घलेगाउँ आएर होमस्टे चलाउन थालेका छन् । घलेगाउँमा यो अवधिमा सवा २ लाख बढी पर्यटकले अवलोकन गरेको तथ्यांक यहाँको होमस्टे व्यवस्थापन समितिसँग रहेको पर्यटन समितिका सविच उमलबहादुर विकले बताए । उनका अनुसार अन्य होमस्टे सञ्चालन नगरेकाहरूले हस्तकलाका सामग्री समेत तयार पार्छन् । होमस्टेसँगै घलेगाउँका बासिन्दाको आम्दानीका स्रोत थपिँदै गएको छ ।
गण्डकी प्रदेशका संस्थापक मुख्यमन्त्री पृथ्वीसुब्बा गुरुङ संस्कृति, पर्यटन तथा नागरिक उड्डयनमन्त्री थिए । उनको पहलमा २०६४ फागुनमा घलेगाउँलाई दक्षिण एसियाको नमुना गाउँ (सार्क भिलेज) घोषणा भयो । घलेगाउँ २०७० मा पनि सार्क भिलेज बन्न सफल भयो । आधारभूत सुविधा पुगेपछि घलेगाउँलाई २०७६ मंसिर १७ मा स्मार्ट भिलेजको घोषणा गरियो । उक्त घोषणासँगै गाउँ पर्यटन प्रवर्धन मञ्च (भिटोफ) ले नेपालकै उत्कृष्ट होमस्टेको रुपमा पुरस्कृत ग¥यो ।
हरेक होमस्टेको आम्दानी मासिक सरदर ५० हजार रुपैयाँ भन्दा बढी रहेको क्व्होलासोंथर गाउँपालिका अध्यक्षसमेत रहेका पर्यटन व्यवस्थापन समितिका अध्यक्ष प्रेम घलेले बताए । उनका अनुसार घलेगाउँका होमस्टेले मात्रै वर्षमा करिब २ करोड रुपैयाँ बढी भित्राउँछन । उनले भने, ‘पर्यटनबाटै आर्थिक समृद्धि सम्भव भन्ने घलेगाउँबासीले सिद्ध गरिसकेका छन् ।’
घलेगाउँमा परम्परागत संस्कृति घाँटु, सोरठी, सेर्गालगायत नाच गाउँका प्रमुख सांस्कृतिक विशेषता हुन् । पाहुनालाई स्वागत गर्न गाइने र नाचिने ‘यालमी’ यस ठाउँकै मौलिकता बोकेको प्राचीन गीत हो । करिब दुई दशकको आन्तरिक पर्यटन विकासले घलेगाउँलाई दक्षिण एसियामै नमुना ग्रामीण पर्यटकीय गाउँकारुपमा प्रख्यात बनाएको छ । घलेगाउँमा गुरुङ जातिको कर्मकाण्डीय वेद तथा शास्त्र सिक्ने र सिकाउने पाठशाला ‘क्होइँबो’ निर्माण गरिएको छ ।
त्यसबाहेक घलेगाउँबाट गोर्खा पार्क, भ्युटावर, स्वर्गभूमि रंगशाला, बास्केटबल कोर्ट, उत्तरकन्या मन्दिर, चियाबारीलगायतका फराकिलो ठाउँले पर्यटकलाई आकर्षित गर्ने गरिआएको छ ।
समुद्री सतहदेखि २१ सय मिटर उचाइको घलेगाउँमा प्रकृति, संस्कृति र रहनसहन देखाएर, गाउँमै उत्पादित खाद्य पदार्थ खुवाएर उनीहरूले आम्दानी गर्न थालेका हुन् । लमजुङ हिमालसँगै माछापुच्छ्रे, अन्नपूर्ण, डा. हर्क हिमाल, हिमालचुली, मनास्लु, गणेश हिमालले घलेगाउँलाई रमणीय तुल्याएको छ ।
लमजुङ सदरमुकाम बेसीसहरबाट ६ घण्टा हिँड्नुपर्ने घलेगाउँ अहिले डेढ घण्टामै जिपहरूको यात्राबाट पुग्न सकिन्छ । काठमाडौ– पोखरा सडकको तनहुँको डुम्रे बजारबाट उत्तरतर्फ लागेको पछि लमजुङको जिल्ला सदरमुकाम बेसीसहरसम्म पुगिन्छ । बेसीसहरबाट घलेगाउँ पुग्न बेसीसहरबाट २४ किलोमिटरको यात्रा पार गर्नुपर्छ । संघीय राजधानीबाट सडक दुरीको १७२ किलोमिटर छ । प्रदेश राजधानी पोखराबाट बेसीसहर ११० किलोमिटरको दूरीमा छ ।
Related News
सम्बन्धित समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
पोखराको गन्नीलाई रनिङ सिल्ड
hero news full width
मुख्य समाचार
लीलादेवी बनिन् पहिलो महिला मुख्यसचिव
राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१कन्टेनरमा बजारिएर दुई टुक्रा भयो, अनि आगो लाग्यो
श्रावण ९, २०८१सौर्य एयर दुर्घटनामा १८ जनाको मृृत्यु
श्रावण ९, २०८१त्रिभुवन विमानस्थलमा सौर्यको जहाज दुर्घटना
श्रावण ९, २०८१