मित्रमिलनद्वारा ज्येष्ठ नागरिकको सम्मान

आदर्श समाज सम्वाददाता
वैशाख ३, २०७९
sakari news

पोखरा । मित्रमिलन बचत तथा ऋण सहकारी, पोखरा–९, नयाँबजारले स्थापनाको नवौं वार्षिकोत्सव मनाएको छ । सो अवसरमा संस्थाले पुम्दीभुम्दीमा रहेको आदर्श ज्येष्ठ नागरिक समितिका ९ जना ज्येष्ठ नागरिकलाई नगदसहित दोसल्ला ओढाएर सम्मान गरेको छ ।

पोखरा २२ का वडाध्यक्ष मित्रलाल बराल, राष्ट्रिय सहकारी बैंक पोखरा शाखाका प्रमुख नरेश पाण्डे, मित्रमिलन साकोसका अध्यक्ष रमण पौडेलले उनीहरुलाई सम्मान गरेका हुन् ।

कार्यक्रममा वडाध्यक्ष बरालले ‘मित्रमिलनले ज्येष्ठ नागरिकको सम्मानमा गरेको यस कार्य ज्यादै प्रशंसनीय रहेको उल्लेख गरे । वडाका तर्फबाट पनि जेष्ठ नागरिकहरुका लागि सहयोग भइरहेको र पोखरेली परिवेशमा छुट्टै पहिचान बनाउन सफल मित्रमिलनले आगामी दिनमा पनि यस्ता कार्यक्रमलाई निरन्तरता दिनेमा आफू विश्वस्त रहेको उनले जनाए ।

राष्ट्रिय सहकारी बैंक पोखरा शाखाका प्रमुख नरेश पाण्डेले सहकारी भीडमा विशेष पहिचान बनाएर अघि बढेकामा मित्रमिलनलाई बधाई दिए । आजका युवापुस्ता थोरै भड्किएको तर्फ संकेत गर्दै त्यसबाट नआत्तिई सही दिशा निर्देश गर्न ज्येष्ठ नागरिकको महत्वपूर्ण भूमिका रहनेमा उनले स्पष्ट पारे ।

लेखा समिति सदस्य प्रतीक लामिछानेले स्वागत मन्तव्य राखेको सो कार्यक्रममा आदर्श ज्येष्ठ नागरिक समितिका अध्यक्ष तथा पूर्व वडाध्यक्ष खडानन्द बराल, शुक्रराज माविका प्रअ नरनाथ बराल, आदर्श ज्येष्ठ नागरिक समितिका व्यवस्थापक भुवानीप्रसाद बराल, सम्मानित तारापति बरालले शुभकामना मन्तव्य राखेका थिए । कार्यक्रममा १ सयभन्दा बढी ज्येष्ठ नागरिकको उपस्थिति थियो ।

सहकारीको नवौं वार्षिक उत्सव भएकाले सबैभन्दा ज्येष्ठ ९ जनालाई सम्मान गरिएको मित्रमिलन साकोसका प्रमुख कार्यकारी अधिकृत किरण अधिकारीले बताए । आदर्श ज्येष्ठ नागरिक समितिमा २ सय ५२ जना ज्येष्ठ नागरिक आवद्ध छन् ।
सम्मानित हुनेमा लक्ष्मी बराल, लेखनाथ बराल, देवीलाल बराल, टुल्की बराल, पोतनाथ बराल, धनरुपा बराल, बसन्धरी बराल,तारापति बराल र नरहरि बराल रहेका छन् । कार्यक्रममा सहकारीले संस्थाका लागि २५ थान कुर्सी र एक थान फाइल दराज समेत हस्तान्तरण गरेको थियो । सहकारी संस्थाका सेयर सदस्य, सल्लाहकार दण्डपाणि बरालको संयोजकत्वमा भएको कार्यक्रमको सञ्चालन तथा सहकारीका सात सिद्धान्त वाचन शिक्षा समिति संयोजक गोपाल खनालले गरेका थिए ।

Related News

सम्बन्धित समाचार

  • कास्कीमा एसइई उत्तरपुस्तिका परीक्षण रोकियो

    आदर्श समाज सम्वाददाता वैशाख १२, २०८१
    पोखरा । कास्कीमा माध्यमिक शिक्षा एसइईका उत्तरपुस्तिका परीक्षण रोकिएको छ । १० वर्षदेखि उत्तरपुस्तिका परीक्षण पारिश्रमिकमा वृद्धि नभएको भन्दै शिक्षकहरुले…
  • सहारा एकेडेमीमा यु–१४ फुटबल प्रशिक्षण

    आदर्श समाज सम्वाददाता वैशाख १२, २०८१
    पोखरा । सहारा क्लब पोखराको व्यस्थापनमा प्रदेश खेलकुद परिषद् गण्डकीले ‘खेल्छ गण्डकी’ कार्यक्रमअन्तर्गत उक्त यु–१४ फुटबल प्रशिक्षण दिएको छ । दोबिल्लास्थित…
  • पुस्तक दिवसमा पुस्तक साटासाट

    आदर्श समाज सम्वाददाता वैशाख १२, २०८१
    पोखरा । विश्व पुस्तक तथा प्रतिलिपि अधिकार दिवस पोखरामा पुस्तक साटासाट गरी मनाइएको छ । ¥यान्डम रिडर्स सोसाइटीले मंगलबार आयोजना…
  • गण्डकीमा डायलाइसिसका लागि अब पालो कुर्न नपर्ने

    आदर्श समाज सम्वाददाता वैशाख १२, २०८१
    पोखरा । गण्डकी प्रदेशमा डायलाइसिस सेवाको लागि पर्खाइमा रहेका व्यक्तिको संख्या शून्यमा झार्ने लक्ष्य पूरा भएको छ । बुधबार गण्डकी…
  • स्वदेश फर्किए कतारी अमिर

    आदर्श समाज सम्वाददाता वैशाख १२, २०८१
    पोखरा ।  नेपालको दुई दिने राजकीय भ्रमणमा रहेका कतारका अमिर शेख तमिम बिन हमाद अल थानी स्वदेश फर्किएका छन्। उनलाई…

hero news full width