सडक नबन्दा उपभोक्ताको विरोध

आदर्श समाज सम्वाददाता
वैशाख १, २०७९
street

पोखरा । फुस्रेखोला रामदी मट्टीखान देउराली निर्माण समयमै पूरा नभएको भन्दै स्थानीयवासीले गुनासो गरेका छन् । गत २०७६ पुस मसान्तसम्म निर्माण पूरा हुनुपर्ने सो सडकखण्ड अझै ३५ प्रतिशत कार्य पनि पूरा नभएको भन्दै उनीहरुले गुनासो गरेका हुन् । चुनावको मुखमा भोट माग माग्न आउनेहरुलाई उनीहरुले सडक नबनाए ‘नो भोट’ संकेत गरेका छन् ।

कास्की–स्याङ्जा जोड्ने सिद्धार्थ राजमार्गको स्याङजासम्म वैकल्पिक छोटो दुरीको सडकको रुपमा रहेको मानिएको सो सडक पोखरा–२१ र फेदीखोला १ र २ मा पर्दछ । उपभोक्ताद्वारा आर्थिक संकलन गरी २०५७ सालमा ट्रयाक खोली २०६४ सालमा पोखरा फुर्सेखोलादेखि मट्टीखानसम्म नगर बस संचालन गरी आएको थियो । सो सडक स्तरउन्नति गरी कालोपत्रे पक्की सडक बनाउन सडक डिभिजन कार्यालय पोखराबाट स्वीकृति ठेक्का टेन्डरबमोजिम ३१ करोड ४९ लाखमा ठेक्का स्वीकृत भई एसबिए/एसएपि/सिरुवा ज्वाइन्ट भेन्चरसँग २०७४ असार २८ सम्झौता भएको थियो । जसको लम्बाइ १३.७ किमी र ८.५ देखि ९ मिटरसम्म चौडाइ हुने गरी बहुवर्षीय योजनाअन्तर्गत २०७६ पुसमा सम्पन्न गर्ने लक्ष्य रहेको थियो । तर समयमै निर्माण सम्पन्न हुन नसक्दा हिडडुलमा आफूहरुलाई समस्या परेको स्वतन्त्र समाज सुधार युवा शक्ति रामदी मट्टीखानका संयोजक सूर्य पोख्रेलले जनाए ।

उनका अनुसार घटना बस्ती बिचबाट लगिएको सो सडक निर्माणको निमित्त खेतियोग्य जग्गा खेतबारी घरआँगन कटेरो फाल्नसमेत कुनै बाधा नगरी उपभोक्ताले जग्गा उपल्व्ध गराएको भए पनि ठेकदार कम्पनीको लापरबाहीले निर्माण ठप्प रोकिनु गैरजिम्मेवार भएको उपभोक्ताको ठहर छ । यसबारे सम्बन्धित निकायले चासो नदिए विरोधस्वरुप जस्तोसुकै कदम चाल्न बाध्य हुने र चुनाव बहिस्कार गर्ने अवस्थासम्म आउने स्थानीय ध्रुव पौडेलले चेतावनी दिए ।

अझै करिब ६ किमी नाली, ढल निर्माण कार्य गर्न, ठाउँ–ठाउँमा ह्यु पाइप ग्याविङ जालि लगाउने, मेसिनरी बाल लगाउने लगायत कार्य धेरै बाँकी रहेको फुस्रेखोला रामदी मट्टीखान देउराली बाटो उपभोक्ता समिति अध्यक्ष देवीबहादुर थापाको भनाइ छ ।

Related News

सम्बन्धित समाचार

  • गण्डकी बोर्डिङका शिक्षकलाई तालिम

    आदर्श समाज सम्वाददाता वैशाख १२, २०८१
    पोखरा । खुसी हुनु मानिसको मूल स्वभाव हो । तर अचेल व्यस्त दैनिकीका कारण मानिस आफ्नो खुसी हुने स्वभाव बिर्सिएर…
  • प्यान गण्डकीको प्रथम भेला : वामदेवको अध्यक्षतामा नयाँ कार्यसमिति गठन

    आदर्श समाज सम्वाददाता वैशाख १२, २०८१
    पोखरा । पोखरा । प्रधानाध्यापक संघ नेपाल (प्रिन्सिपल एसोसियन नेपाल–पान) को पोखरामा सम्पन्न पहिलो भेलाले वामदेव पौड्यालको अध्यक्षतामा गण्डकी प्रदेशस्तरको…
  • एनटिभिएको शुभकामना आदानप्रदान

    आदर्श समाज सम्वाददाता वैशाख १२, २०८१
    पोखरा । नेपाल पर्यटक यातायात व्यवसायी संघ (एनटिभिए) गण्डकीले नयाँ वर्ष अवसरमा शुभकामना आदानप्रदान एवं टेबुल क्यालेन्डर लोकार्पण गरेको छ…
  • पोखरा १३ मा निशुल्क तालिम

    आदर्श समाज सम्वाददाता वैशाख १२, २०८१
    पोखरा । पोखरा १३ ले निशुल्क सिपमूलक तालिम उपलब्ध गराएको छ । एड्भान्स कटाइसिलाइ, डिप्लोमा ब्युटी पार्लर, लोकसेवा अनलाइन कक्षा…
  • जलारी समुदायबारे वृत्तचित्र

    आदर्श समाज सम्वाददाता वैशाख १२, २०८१
    पोखरा । जलारी समुदायबारे निर्माण भएको वृत्तचित्र सार्वजनिक गरिएको छ । गण्डकी प्रज्ञा प्रतिष्ठानले निर्माण गरेको वृत्तचित्र मंगलबार सार्वजनिक गरेको…

hero news full width