पोखरा । नेपाल रेडक्रस सोसाइटी पोखरा २६ ले नयाँ वर्ष २०७९ को अवसर पारेर शुभकामना आदानप्रदान तथा भित्तेपात्रो विमोचन कार्यक्रम गरेको छ । यसैबीच देवीमाया ढुंगानाको संयोजकत्वमा महिला उप समिति चयन गरेको छ । सहसंयोजक शारदा बराल , सचिव सिर्जना तिवारी, कोषाध्यक्षमा विष्णु अधिकारी र सदस्यहरू दुर्गादेवी पाठक, रीतादेवी रानाभाट, सूर्यदेवी रानाभाट, शर्मिला विक, माया बराल, कल्पना ढुंगाना, अञ्जना विक, सावित्री भुर्तेल र सुमित्रा बस्ताकोटी छन् ।

कार्यक्रमको उद्घाटन गर्दै नेपाल रेडक्रस सोसाइटीका निवर्तमान सभापति वामदेव ढुंगानाले रेडक्रस एउटा विशुद्ध मानवीय सेवा भावमा सञ्चालित सामाजिक संस्था भएकाले मानवीय आपत विपतमा रहेकालाई सहयोग गर्ने गरेको बताए ।

उपशाखा सभापति शैलेन्द्रमोहन भट्टराईको अध्यक्षतामा भएको नेरेसो कास्की शाखाका उपमन्त्री उर्मिला खड्का, उपशाखाका संस्थ्थापक सभापति एवं पोखरा २६ का अध्यक्ष नारायण बराल, सल्लाहकार झलकपाणि तिवारी, पूर्व सभापति नरभूपाल पौडेल, निवर्तमान सभापति चन्दबहादुर रानाभाट, संस्थापक महिला संयोजक निर्मला ढुंगाना, उपसभापति देवीमाया ढुंगाना, सहकोषाध्यक्ष दुर्गा तिमिल्सिना लगायतले कार्यक्रममा आ आफ्नो धारणा राखेका थिए । कार्यक्रम सञ्चालन सचिव दीपकनाथ भण्डारीले गरेका थिए ।