पोखरा । सामुदायिक सेवा केन्द्र एवं सामुदायिक प्रहरी सेवा माटेपानीले आत्महत्या न्यूनीकरण, लागुऔषध नियन्त्रण र लैंगिक हिंसाविरुद्ध जनचेतनामूलक कार्यक्रम गरेको छ । सेवा केन्द्रका अध्यक्ष मीरादेवी आचार्यको अध्यक्षतामा भएको कार्यक्रम कास्कीका प्रमुख जिल्ला अधिकारी (प्रजिअ) जयनारायण आचार्यले उद्घाटन गरे ।
प्रजिअ आचार्यले समाजमा आपराधिक क्रियाकलाप बढ्दै जाँदा अपराध न्यूनीकरण गर्न प्रशासनमात्र पर्याप्त नहुने भएकाले समाजको साथ र सहयोग अपरिहार्य रहेको बताए । युवा पुस्तालाई लागुऔषधको कुलतबाट टाढै राख्न अभिभावको भूमिका महत्वपूर्ण हुने भएकाले आफ्ना बालबालिकाको दैनिक क्रियाकलापलाई निगरानी गर्न उनले आग्रह गरे ।
जिल्ला प्रहरी कर्यालय कास्कीका प्रमुख प्रहरी उपरीक्षक रमेश थापाले जिल्लामा दर्ता हुने मुद्दामध्ये ९० प्रतिशत मुद्दा लागुऔषधसँग सम्बन्धित रहेको सुनाए । थापाले कास्की प्रहरीले लागुधौषध ओसारपसार गर्नेलाई विशष निगरानी र अन्जानमा लागुऔषधमा फसेकालाई सुधार गर्ने अभियान चलाएको बताए ।
जिल्ला प्रहरी कार्यालय कास्कीका प्रहरी नायब उपरीक्षक सुन्दर तिवारीले आत्महत्या गर्नेको संख्या बढ्दै गएको उल्लेख गरे । उनले गत वर्षभन्दा यस वर्ष कास्कीमा करिब १४ प्रतिशत आत्महत्याका घटना बढेको बताउँदै आत्महत्या गर्नेमा पुरुषको संख्या बढी रहेको जानकारी दिए ।
मनोरोग विशेषज्ञ डा. राजन शर्माले आत्महत्याका घटना बढ्नुमा मानसिक रोग कारण रहेको बताए । ९० प्रतिशत मानिसहरुले गर्ने आत्महत्या मानसिक रोगबाट हुने गरेको र चिन्ता रोग आत्महत्याको मुख्य कारक रहेको बताए । आत्महत्या न्यूनीकरण गर्न समस्यालाई खुलेर छलफल गर्नुपर्ने र एक अर्कामा समस्या बाँड्दा आत्महत्या गर्ने चाहना घटेर जाने डा. शर्माले बताए ।
अधिवक्ता गीतादेवी लामिछानेले सामाजिक चालचलन र परम्पराबाटै लंैगिक हिंसा सुरु हुने बताइन् । उनले हिंसा न्यूनीकरण गर्न घरघरबाट छोरा र छोरीबीचको विभेद अन्त्य हुनुपर्नेमा जोड दिइन् ।
पोखरा १४ वडा सदस्य एवं कार्यपालिका सदस्य यशोधा केसी भट्टराईले वडाले सामाजिक विकास कार्यक्रमअन्तर्गत सचेतनामूलक कार्यक्रम सञ्चालन गर्न सहयोग गरेको बताइन् । चुलो चौकोमा रहेका महिलालाई यस्ता कार्यक्रममा समेट्नुपर्ने आवश्यकता औंल्याइन् ।
केन्द्रका सदस्य किरण अधिकारीले कार्यक्रमको उद्देश्यबारे जानकारी दिँदै समाजमा आपराधिक घटनाहरु बढ्दै गएको र त्यसलाई न्यूनीकरण गर्न चेतनामूलक कार्यक्रम आयोजना गरिएको बताए ।
कार्यक्रममा सेवा केन्द्र उपाध्यक्ष इन्दिरा पन्त आचार्यले स्वागत र सचिव नेत्रबहादुर तिमिल्सिनाले सञ्चालन गरेका थिए । पोखरा १४ छिनेडाँडामा आयोजना गरिएको कार्यक्रममा स्थानीयको सहभागिता थियो ।
Related News
सम्बन्धित समाचार
राइड सेयरिङविरुद्ध पोखराका यातायात व्यवसायीको आन्दोलन
खेलमा उत्कृष्ट नतिजा दिन मन्त्री थापाको आग्रह
पोखरा ११ मा वृक्षरोपण
पोखरा आदर्शमा विद्यार्थी स्वागत
न्यु ग्यालेक्सीमा नवआगन्तुक विद्यार्थीलाई अभिमुखीकरण
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१