पोखरा । बुद्ध विशाल बजार व्यापारिक एसोसियसनले अवकाश प्राप्त सुरक्षा कर्मचारीलाई सम्मान तथा बिदाई गरेको छ ।

बिशाल बजारमा बिगत ३६ वर्षदेखि कार्यरत सुरक्षा कर्मचारीहरु वीरबहादुर घले तथा कमशेर गुरुङको बिदाई कार्यक्रममा बुद्ध विशाल बजार व्यापारिक एसोसियसनका अध्यक्ष केशवबहादुर खत्रीले विशाल बजारमा कार्यरत सुरक्षा कर्मचारीको योगदानलाई आफूहरूले कहिले पनि भुल्न नसक्ने बताए । अध्यक्ष खत्रीले आफ्नो जवानी तथा विशाल बजारलाई आफ्नै घर सम्झी धेरै वर्ष बिताएका इमानदार बुवा समानका सुरक्षा कर्मचारीको योगदानलाई बुद्ध विशाल बजार व्यापारिक एसोसियसनले कहिले पनि भुल्न नसक्ने उल्लेख गरे ।

कार्यक्रममा बुद्ध विशाल बजार व्यापारिक एसोसियसनका कानुनी सल्लाहकार जगनाथ ढकाल, सल्लाहकारहरु शिव शर्मा, ध्रुवप्रसाद रेग्मी, बुद्ध विशाल बजार व्यापारिक एसोसियसनका सचिव तथा सुरक्षा संयोजक राजु केसीले बोलेका थिए ।

अवकास लिएका सुरक्षा कर्मचारीहरू वीरबहादुर घले तथा कमशेर गुरुङलाई दोसल्ला, सम्मानपत्र तथा नगद पैंसठ्ठी हजार तथा सञ्चयकोषको पासबुकसहित बुद्ध विशाल बजार व्यापारिक एसोसियसनले बिदाइ गरेको थियो ।

कार्यक्रममा बुद्ध विशाल बजार व्यापारिक एसोसियसनको रिक्त कार्यसमिति सदस्यमा माधव आचार्यलाई मनेनीत गरी बुद्ध विशाल बजार व्यापारिक एसोसियसनका अध्यक्ष केशवबहादुर खत्रीले सपथ खुवाएका थिए । यसैबीच नववर्ष २०७९ को उपल्यक्षयमा एसोसियसनले प्रकाशित गरेको क्यालेन्डर विमोचनसमेत गरिएको थियो । कार्यक्रममा एसोसियसनका उपाध्यक्ष इन्द्रराज अर्यालले स्वागत र महासचिव बुद्धिबहादुर कुँवरले गरेका थिए ।