पोखरा । मानवसेवा आश्रम शाखा कार्यालय पोखरालाई पोखरा महानगरपालिका वडा नं २ को कार्यालयले आश्रममा फर्निचर खरिदका लागि ५० हजार सहयोग गरेको छ । सहयोग रकम वडाध्यक्ष रामेश्वर मल्लले मानवसेवा आश्रमका अभियन्ता सदिस पुनलाई हस्तान्तरण गरे ।

मानवसेवा आश्रमले ७ वटै प्रदेश १९ जिल्ला र २७ वटा सेवा केन्द्रमा हाल १ हजार ५ सय ५० जना सहयोगापेक्षी सडक मानवहरुको पालन पोषण, औषधोपचार गर्दै आएको छ । परिवार भएका वा भेटिएकाहरुको पारिवारिक पुनर्मिलन, पुनस्र्थापना गर्दै आएको छ । गण्डकी प्रदेशमा बागलुङ, कास्की, लमजुङ र गोरखा गरी ४ वटा जिल्लामा सेवा सञ्चालन गरेको छ ।