पोखरा । समाज सेवामा लागेका युवाहरुको संस्था पहिलो पाइला नेपालले पोखरामा युवा लक्षित नेतृत्व कार्यक्रम ‘पोखरा लिडरसिप समिट’ गर्ने भएको छ । बुधबार पोखरामा पहिलो पाइला नेपाल पोखरा शाखाले पत्रकार सम्मेलनको आयोजना गर्दै युवा लक्षित कार्यक्रम गर्न लागेको जानकारी दिएको हो ।

समिटमा सहभागी युवाका लागि विभिन्न १७ विषय राखिएको र जुन युवालाई जे बन्न मन छ त्यसका लागि संस्थाले कार्यक्रम तय गर्ने पहिलो पाइला नेपालले पोखरा शाखाका अध्यक्ष रञ्जित दनै जानकारी दिए ।

कार्यक्रममा पुर्व आइजिपी सर्वेन्द्र खनाल, वरिष्ठ पत्रकार राजेन्द्र बानियाँ, अब्दुस मिया, गायिका समृद्धि राई, सुजिता बस्नेत र प्रकाश तिवारीको सहभागिता रहनेछ ।