पोखरा । लिकंन युनिभर्सिटी, कलेज मलेसियाअन्तर्गतका ११ कलेजको दीक्षान्त समारोह भएको छ । शिक्षामन्त्री देवेन्द्र पौडेलको प्रमुख आतिथ्यमा ललितपुरको गोदावरीमा भएको समारोहमा २५ सयभन्दा बढी विद्यार्थीहरु दीक्षित भएका थिए ।

लिकंन युनिभर्सिटी, कलेज मलेसियाको दीक्षान्त समारोहमा पोखरा लिंकन इन्टरनेसनल कलेजका २०१५ र २०१६ इन्टेकका बिबिए र बिएचएमका १ सय ४७ छात्र छात्राहरु स्नातक तह सफलतापूर्वक उत्तीर्ण भई दीक्षित भएका हुन् । लिंकन युनिभर्सिटी कलेजका प्रेसिडेन्ट प्राडा. अमिया भौमिकको अध्यक्षतामा भएको समारोहमा प्रो चान्सलर दातुक डाक्टर हज्जा बिबी फेलिरना अब्दुल्लाहले दीक्षित विद्यार्थीको उज्ज्वल भविष्यको कामना गरेका थिए ।

पोखरा लिंकन कलेजबाट ३ सय २९ विद्यार्थी स्नातक तह उत्तीर्ण भई विभिन्न पेसा व्यवसाय र उच्च शिक्षामा संलग्न रहेको कलेजले जनाएको छ ।