लेखनाथ । नेपाल खेलकुद महासंघ गण्डकी प्रदेश अध्यक्षमा विष्णु पुन चयन भएका छन् । लेखनाथमा भएको प्रथम अधिवेशनले उनलाई दोस्रो कार्यकालका लागि अध्यक्ष चुनेको हो ।
कार्यसमिति उपाध्यक्षमा दीपेन्द्र पौडेल (स्याङ्जा), महिला उपाध्यक्षमा साधना पन्त (बागलुङ), सचिव शिव अधिकारी (कास्की), उपसचिव बोधराज गिरी (कास्की) र सुजन आचार्य (तनहुँ), कोषाध्यक्षमा पदम बानियाँ (कास्की) निर्वाचित भए ।
सदस्यमा नरेन्द्र ढुंगाना, नगेन्द्र शर्मा भण्डारी, रञ्जन गुरुङ, धन पुर्जा, कुमारबहादुर क्षत्री, सत्यराज सापकोटा, ईश्वर अधिकारी, सन्दीप कोइराला र जीवन तिवारी लगायत ७५ सदस्यीय नयाँ कार्यसमिति चयन गरिएको छ ।
अधिवेशनको शनिबार पूर्व भुमिसुधार मन्त्री एवं एमाले सचिव पद्मा अर्यालले उद्घाटन गरेकी थिइन् । प्रदेश अधिवेशनपछि अब चैत २५ देखि वैशाख ५ सम्म गण्डकीका ११ जिल्लाको अधिवेशन हुने जनाइएको छ ।