लेखनाथ । पोखरा ३२, राजाका चौतारास्थित ब्रह्म रुपा माविको पुरस्कार वितरण समारोह भएको छ । गत माघमा भएको विद्यालयको ४२ औं अभिभावक दिवस एवं पुरस्कार वितरण समारोह कोभिड–१९ को महामारीका कारण रोकिएको थियो ।
विद्यालय प्रअ जनार्दन सुवेदीले आफ्नो क्षमता अभिवृद्धि र बौद्धिक विकासका लागि गुणस्तरीय शिक्षा प्रदान गरी विद्यार्थीलाई सिकाइ क्रियाकलापमा सक्रिय बनाउन सहयोग हुने बताए । उनले पढाइमा हौसला र प्रेरणाका लागि पुरस्कार वितरण गरिएको बताए ।
विद्यालय शिक्षक अभिभावक संघ अध्यक्ष विश्वराज पौडेलले विद्यार्थीलाई अतिरिक्र क्रियाकलापमा संलग्न हुन समेत सुझाव दिए ।
विद्यालयका सहायक प्रअ मधुसुधन सापकोटाले गुणस्तरीय शिक्षालाई अझ प्रभावकारी बनाउँदै विद्यार्थीलाई शिक्षण सिकाइ क्रियाकलापमा सक्रियता साथ लाग्न आग्रह गरे । विद्यालयका शिक्षक तेजनप्रसाद अधिकारीले विद्यालयको प्रतिनिधित्व गर्दै स्थानीय तहस्तरीय कार्यक्रम, जिल्लास्तरीय कार्यक्रम, प्रदेशस्तरीय कार्यक्रममा सहभागी हुन आग्रह गरे ।
शिक्षक अभिभावक संघ अध्यक्ष विश्वराज पौडेलको अध्यक्षतामा भएको सो कार्यक्रमकोे संचालन शिक्षक विश्वमोहन पौडेलले गरेका थिए ।