पोखरा । नेपाल प्रजातन्त्र सेनानी संघ कास्कीले पोखरामा शनिबार प्रजातन्त्र सेनानीहरुलाई सम्मान गरेको छ ।
समारोहमा पूर्व सभामुख तारानाथ रानाभाटले प्रजातन्त्र सेनानी तथा दिवंगत प्रजातन्त्र सेनानीका परिवारका सदस्यलाई दोसल्ला ओढाएर सम्मान पत्र प्रदान गरेका थिए । त्यस अवसरमा प्रमुख अतिथि रानाभाटले प्रजातन्त्र सेनानीको योगदान अतुलनीय रहेको बताए ।
नेपाली कांग्रेस कास्कीका सभापति किशोरदत्त बरालले प्रजातन्त्र सेनानीप्रतिको सम्मान निरन्तर रहने उल्लेख गरे ।
कार्यक्रमको प्रारम्भमा २००७ सालमा प्रजातन्त्र स्थापनाका लागि गर्नुपरेको संघर्षबारे प्रजातन्त्र सेनानीहरुको आवाज रहेको भिडियो प्रदर्शन गरिएको थियो ।
नेपाल प्रजातन्त्र सेनानी संघ कास्कीका अध्यक्ष लीलाभक्त आचार्यको अध्यक्षतामा भएको उक्त समारोहमा कार्यक्रम सञ्चालक देवदत्त कोइरालाले स्वागत तथा लला कोइरालाले सञ्चालन गरेकी थिइन् ।