कन्या क्याम्पसमा सम्मान र बिदाइ

आदर्श समाज सम्वाददाता
चैत्र १९, २०७८
kanya campusd

पोखरा । कन्या क्याम्पस पोखरामा शुक्रबार प्राध्यापक र कर्मचारीको सम्मान तथा बिदाई गरिएको छ । स्नातक प्रथम वर्षका छात्राहरुको स्वागत कार्यक्रमसमेत भएको छ । क्याम्पस प्रमुख तथा कार्यक्रमका अध्यक्ष सुरेसकुमार मानन्धरले क्याम्पसले विश्वविद्यालय अनुदान आयोगबाट गुणस्तर सुनिश्चिततताको प्रमाणपत्र प्राप्त गरेकामा सम्पूर्ण सरोकारवालालाई धन्यवाद दिए । उनले गुणस्तरीय शिक्षा प्रदान गर्ने प्रतिबद्धता जनाए ।
क्याम्पसको कार्यवाहक अध्यक्ष मदन शर्माले क्याम्पसको विकास र गुणस्तर अभिवृद्धिका लागि सञ्चालक समिति सदैव साथमा रहने उल्लेख गरे । क्याम्पसमा स्थापनाकालमा कबुलियतनामा गरी क्याम्पसको स्थापनमा सक्रिय भूमिका खेलेका निवर्तमान क्याम्पस प्रमुख एवं प्राध्यापक मेजरमान बज्राचार्य र प्रारम्भकालीन कर्मचारी गोविन्द पराजुलीको अनिवार्य अवकाश भएकोमा दोसल्ला, खादा, मायाको चिनो तथा सम्मानपत्र प्रदान गरि सम्मान तथा बिदाइ गरिएको थियो ।
उक्त कार्यक्रममा क्याम्पसमा व्यवस्थापन, मानविकी तथा शिक्षाशास्त्र संकाय अन्तर्गत स्नातक तह प्रथम वर्षमा भर्ना भएका विद्यार्थीलाई स्वागत गरिएको थियो । कार्यक्रममा प्राध्यापक संघका सभापति डा.भूमिराज बस्ताकोटीले स्वागत गरे । सम्मानित व्यक्तित्वले क्याम्पसको विकासमा पु¥याएको योगदान तथा जीवनीबारे उपप्राध्यापक बलराम भट्टराई र लेखा अधिकृत कृष्ण ताम्राकारले जानकारी गराएका थिए ।
कार्यक्रममा छात्रा कल्याण समिति सह संयोजक ऐश्वर्या श्रेष्ठले नव आगन्तुक विद्यार्थीलाई स्वागत गर्दै उनीहरुको सर्वांगीण विकासका निम्ति कन्या क्याम्पस पोखरा उत्कृष्ट रोजाइ रहेको बताइन् । नवआगन्तुक छात्राको तर्फबाट सन्ध्या भण्डारी र अनीषा अर्यालले उच्च शिक्षा पूरा गर्नको निम्ति कन्या क्याम्पस छनोट गरेको र क्याम्पसको शैक्षिक वातावरणबाट खुसी भएको सुनाए ।
कार्यक्रम सञ्चालन क्याम्पसका सहायक क्याम्पस प्रमुख चित्रबहादुर श्रेष्ठले गरेका थिए ।

Related News

सम्बन्धित समाचार

  • युनाइटेड क्लबका परिकल्पनाकार सम्मानित

    आदर्श समाज सम्वाददाता वैशाख ९, २०८१
    पोखरा । युनाइटेड क्लबले क्लबका परिकल्पनाकारलाई सम्मान गरेको छ । २०६७ वैशाख ७ मा स्थापना भएको क्लबले १४ औं वार्षिकोत्सव…
  • लोकदोहोरी रेस्टुरेन्ट व्यवसायी संघको कार्यालय उद्घाटन

    आदर्श समाज सम्वाददाता वैशाख ९, २०८१
    पोखरा । पोखरा लोकदोहोरी रेस्टुरेन्ट व्यवसायी संघले नयाँ वर्ष अवसरमा शुभकामना आदानप्रदानसँगै संघको कार्यालय उद्घाटन गरेको छ । लोकदोहोरी रेष्टुरेण्ट…
  • साभ नेपालको अभिभावक शिक्षा कार्यक्रम

    आदर्श समाज सम्वाददाता वैशाख ९, २०८१
    पोखरा । चितवनको खैरहनी नगरपालिका वडा नं ८ को आयोजना तथा साभ नेपालको सहजीकरणमा वैशाख ७ र ८ गते अभिभावक…
  • सामुदायिक बगरमा डिएसपीको स्वागत

    आदर्श समाज सम्वाददाता वैशाख ९, २०८१
    पोखरा । सामुदायिक सेवा केन्द्र एवं सामुदायिक प्रहरी सेवा बगरले जिल्ला प्रहरी कार्यालय कास्कीका प्रहरी नायव उपरीक्षक वसन्तराज शर्मालाई स्वागत…
  • ‘जेष्ठ नागरिक जिउँदा भगवान्’

    आदर्श समाज सम्वाददाता वैशाख ९, २०८१
    पोखरा । रामबजार ज्येष्ठ नागरिक मिलन केन्द्रले शनिबार आयोजना गरेको शुभकामना आदानप्रदान तथा सम्मान कार्यक्रमका वक्ताले जेष्ठ नागरिक जिउँदा भगवान्…

hero news full width