पोखरा । पोखरा १२, पुरानो धारास्थित चापापानी सिद्वार्थ बचत तथा ऋण सहकारी संस्थाले ६५ औं सहकारी दिवस उपल्यक्ष्यमा आयोजना गरेको रक्तदान कार्यक्रममा ३५ युनिट रगत संकलन भएको छ ।
गण्डकी प्रदेशका कानुन, संचार तथा प्रदेश सभा मामिला मन्त्री विन्दुकुमार थापाले रक्तदाता तथा कार्यक्रम संयोजक दीपक कार्कीलाई ब्लडब्याग हस्तान्तरण गर्दै कार्यक्रम उद्घाटन गरेका थिए । उनले विषम परिस्थितिमा सहकारीले पुण्य काम गरेको भन्दै गण्डकी प्रदेश सरकाले अहिले महिलाको स्तन र पाठेघरको मुखको क्यान्सर उपचारमा ५० हजार सहुलियत दिने गरेको बताए ।
कार्यक्रममा अध्यक्षको आसनबाट सहकारी अध्यक्ष नरेशबहादुर कार्कीले सहकारीले विभिन्न समयमा सामाजिक उत्तरदायित्वका काम गरिरहेको दाबी गरे ।
सहकारी सहसचिव तथा कार्यक्रम संयोजक दीपक कार्कीले स्वागत, सचिव श्यामप्रसाद साखीले सञ्चालन र व्यवस्थापक करूणा शाहीले सहकारीका ७ सिद्वान्त वाचन गरेकी थिइन् । कार्यक्रममा रक्त संचार केन्द्र पोखराले प्राविधिक सहयोग गरेको थियो ।