ज्येष्ठ नागरिकको सम्मान

आदर्श समाज सम्वाददाता
चैत्र १५, २०७८
bharatpokhari newsd

पोखरा । नेपाल विज्ञान तथा प्रविधि प्रतिष्ठानको प्राविधिक सहयोग एवं बर पाण्डेथुम ज्येष्ठ नागरिक चौतारीको आयोजनामा भरतपोखरीको बरपाण्डेथुममा तुलसी चिया वितरणसँगै ज्येष्ठ नागरिकलाई सम्मान गरिएको छ ।
खाद्य हरियाली सहर कार्यक्रमअन्तर्गत बरपाण्डेथुममा झण्डै ३ रोपनीमा लगाइएको तुलसी खेतीबाट उत्पादित, प्रशोधित एवं नास्टबाट परीक्षण गरिएको चिया यस क्षेत्रका २ सय जना सर्वसाधारणलाई वितरण गरिएको ज्येष्ठ नागरिक महासंघ नेपालका केन्द्रीय सदस्य केशवराज लम्सालले जानकारी दिए । उक्त अवसरमा ५० ज्येष्ठ नागरिकलाई सम्मान गरिएको थियो ।
पूर्व विज्ञान, प्रविधि तथा वातावरण मन्त्री एवं नास्टका सल्लाहकार गणेश शाहले तुलसीको पर्यावरणीय महत्वका साथै यसले मानवीय स्वास्थ्यमा ठूलो योगदान गर्ने बताए ।
स्वस्थ समाज निर्माणका लागि तुलसी रोप्नु अनिवार्य रहेको भन्दै उनले तुलसीखेतीलाई आयआर्जनसँग जोड्न सकिने बताए ।
ग्लोबल पिस फाउन्डेसन अध्यक्ष रामरोहन पन्तले तुलसी खेतीप्रति सर्वसाधारणलाई आकर्षित गर्न सकेमा त्यसले वातावरण संरक्षणसँगै मानवीय स्वास्थ्यमा पनि टेवा पुग्ने विश्वास व्यक्त गरे ।
गण्डकी प्रदेश नीति तथा योजना आयोगका सदस्य माया तिमल्सिनाले स्थानीय ज्येष्ठ नागरिकको हक हितका लागि आयाआर्जन अभिवृद्धिलगायतमा आफ्नोतर्फबाट सहयोग गर्ने प्रतिवद्धता व्यक्त गरे ।
गैरीभञ्ज्याङ सामुदायिक वन उपभोक्ता समूह अध्यक्ष नीलराज आचार्यको अध्यक्षतामा सम्पन्न कार्यक्रममा बरपाण्डेथुम दिवा सेवा केन्द्रका सचिव मोती भुजेलले सञ्चालन गरेका थिए ।
नास्ट र बरपाण्डेथुम ज्येष्ठ नागरिक चौतारीको सहकार्यमा पोखरा–३३ भरतपोखरीमा खाद्य हरियाली सहर कार्यक्रमअन्तर्गत गत जेठमा सामुदायिक रुपमा तुलसीको प्रांगारिक खेतीको विकास गरिएको थियो । उक्त कार्यक्रममा गैरीभञ्ज्याङ काफलडाँडा सामुदायिक वन उपभोक्ता समुह, बरपाण्डेथुम बहुउद्देश्यीय सामुदायिक सिकाइ केन्द्र र समाज कल्याण परिषद् राष्ट्रिय स्वास्थ्य कोषले स्थानीय सहकार्य गरेका थिए ।

Related News

सम्बन्धित समाचार

  • आलु महोत्सवमा विज्ञ–कृषक अन्तक्र्रिया

    आदर्श समाज सम्वाददाता चैत्र ३०, २०८०
    पोखरा । माटो स्वास्थ्य राखे त्यसबाट बढी उत्पादन लिन सकिने चर्चा गरिएको छ । १२ औं राष्ट्रिय हेमजा आलु महोत्सव…
  • गण्डकी बोर्डिङ व्यवस्थापनमा ३ मनोनीत

    आदर्श समाज सम्वाददाता चैत्र ३०, २०८०
    पोखरा । गण्डकी बोर्डिङस्कुल व्यवस्थापन समितिमा ३ सदस्य मनोनीत भएका छन् । सोमबारको बैठकले जग्गादाता मदनबहादुर केसी, एग्बोसाका निवर्तमान अध्यक्ष…
  • मगर संघको भित्तोपात्रो विमोचन

    आदर्श समाज सम्वाददाता चैत्र ३०, २०८०
    पोखरा । नेपाल मगर संघ महानगर समिति आयोजनामा नयाँ वर्ष–२०८१ उपलक्ष्यमा शुभकामना आदानप्रदान कार्यक्रम भएको छ । सो अवसरमा संघद्वारा…
  • बृहत फेदीखोलाको भित्तेपात्रो

    आदर्श समाज सम्वाददाता चैत्र ३०, २०८०
    पोखरा । बृहत फेदीखोला पोखरा सम्पर्क समाजले नयाँ वर्ष २०८१ को उपलक्ष्यमा शुभकामना आदानप्रदान तथा संस्थाले प्रकाशन गरेको भित्तेपात्रो लोकार्पण…
  • फेवातालमा खसेकी महिलाको उद्धार

    आदर्श समाज सम्वाददाता चैत्र ३०, २०८०
    पोखरा । फेवातालमा कायक दुर्घटना हुँदा तालमा खसेकी एक महिलाको सकुशल उद्धार भएको छ । बिहीबार दिउँसो साढे २ बजेतिर…

hero news full width

trending post

ट्रेन्डिङ्ग