पोखरा । पोखरामा गुरुङ (तमु) लामा बौद्ध धर्म समाजको आयोजनामा प्रथम विश्व शान्ति कांग्युर (त्रिपिटक) वाचन महापूजा आइतबारदेखि सुरु भएको छ । पोखरा ९ नायँबजार तमु धिंमा सुरु भएको महापूजाको गण्डकी प्रदेशका प्रदेश प्रमुख पृथ्वीमान गुरुङले उद्घाटन गरेका हुन् ।
चैत १८ गतेसम्म चल्ने पूजाको प्रदेश प्रमुख गुरुङले दीप प्रज्वलन गर्दै बौद्ध धर्म समाजका संस्थापक एवं केन्द्रीय अध्यक्ष धर्म गुरु खेम्पो डा. शिर लामा गुरुङलाई वाचन गरिने पुस्तकको पहिलो ठेली हस्तान्तरण गरी पूजाको शुभारम्भ गरेका हुन् । कार्यक्रममा प्रदेश प्रमुख गुरुङले धार्मिक सहिष्णुतामा जोड दिए । धार्मिक द्वन्द्व गर्नुभन्दा सबैले सबै धर्मको अस्तित्व स्वीकार्नुपर्ने उनको धारणा थियो । बौद्ध धर्मालम्बीहरुले समाजलाई असल बाटो तर्फ डो¥याएकाले यस धर्मको महिमा झनै अपरम्पार रहेको उनको तर्क थियो । धर्म छान्न पाउने अधिकार सबैको रहेको उल्लेख गर्दै धार्मिक स्वतन्त्रताका लागि नेपाली जनता सजग र सतर्क हुनुपर्ने उनले बताए ।
कोरोना भाइरसको महामारीका कारण मृत्युवरण गर्नेहरुको आत्मा शान्तिका लागि नेपालमै पहिलो पटक कांग्युरवाचन महापूजा आयोजना गरिएको धर्म गुरु खेम्पो डा. शिर लामा गुरुङले बताए । उनका अनुसार १ सय ३ ठेलीको ग्रन्थ ६ दिनमा सकिने लक्ष्य राखिएको छ । उनले हरेक दिन धर्म देशना, ग्रहशान्ति, र पितृपूजा हुने बताउँदै बौद्धमार्गी मात्रै नभई अन्य धर्मावलम्बीहरु समेत पूजामा भाग लिन सक्ने बताए ।
६ दिन सञ्चालन हुने सो पूजामा करिब १५ लाख खर्च हुने अनुमान गरिएको छ । खर्चको स्रोत भक्तजनले दिने दान रहेको आयोजकले जानकारी दिएको छ । आयोजकका अनुसार घाटा भएमा समाजले व्यहोर्ने र नाफा भएमा नाफा रकम त्रिपिटकवाचकको गुठी बनाएर विकट ठाउँहरुमा खर्च गर्नेछ । गण्डकी प्रदेशबाट सुरु भएको महापूजा निकट भविष्यमै अन्य प्रदेशमा गर्दै जाने धर्म गुरु खेम्पो शिर लामाले जानकारी दिए । महापूजामा नेपालका विभिन्न स्थानमा रहेका बौद्ध धर्मगुरुहरुको उपस्थिति रहेको छ ।
Related News
सम्बन्धित समाचार
वेगनास तालको प्रवद्र्धन गर्दै स्थानीय
पोखरा सिँगार्न दिनहुँ श्रमदानमा खटिन्छन् सीताराम
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
जग्गाधनीले रोके रुपाताल परियोजनाको काम
सफलको चिनीरहित दही बजारमा
hero news full width
मुख्य समाचार
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
एचआइभी संक्रमणले पढाइबाट वञ्चित
जेठ ५, २०८१उषा र प्रकाश पोखरा साइकल दौड च्याम्पियन
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१सहकारीका विकृति राजनीतिकर्मीका लागि चुनौती : मुख्यमन्त्री अधिकारी
जेठ ४, २०८१