लेखनाथ । इलेक्ट्रोमेकानिकल संघ नेपाल, पोखरा–३ को भित्तेपत्रो विमोचन एवं पारिवारिक वनभोज कार्यक्रम भएको छ ।
कार्यक्रम शुभारम्भ गर्दै संस्थाका सल्लाहकार एवं वरिष्ठ अधिवक्ता सुकदेव गौतमले २०७९ सालको भित्तेपात्रोको विमोचन गर्दै गौतमले नेपाल पञ्चांग निर्णायक समितिको नियमानुसार प्रकाशन भएको पात्रोमा संस्थागत हितको लागि विज्ञापन उपलब्ध गराउने सबैप्रति हार्दिक आभार गरे । उनले इलेक्ट्रोमेकानिकल संघका सदस्यहरुले अब मर्मतको काम मात्र नगरी उत्पादन एवं निर्माणको चरणमा अघि बढ्नुपर्नेमा जोड दिए ।
कार्यक्रममा संस्थाका निवर्तमान अध्यक्ष गोविन्दप्रसाद पौडेल, सल्लाहकार बलभद्र नकर्मी, पूर्व अध्यक्षहरु शंकर ताम्राकार, लक्ष्मीप्रसाद द्वा, संस्थापक अध्यक्ष डिल्लीराज राजभण्डारी, आविष्का सप्लार्यसका अर्जुन भण्डारी लगायतले बोलेका थिए ।
संस्थाका अध्यक्ष कृष्णराज गौतमको अध्यक्षतामा भएको कार्यक्रममा सचिव रेशम गुरुङले स्वागत र महासचिव माधवप्रसाद तिवारीले सञ्चालन गरेका थिए । संघमा १ सय ४० जना व्यवसायी आबद्ध छन् ।