अजित र सरस्वती च्याम्पियन

आदर्श समाज सम्वाददाता
चैत्र १३, २०७८
safal marathon

पोखरा । १६ औं सफल पोखरा अन्तर्राष्ट्रिय म्याराथनअन्तर्गत १० किमी पुरुषतर्फको दौडमा अजितकुमार यादव र महिलातर्फ सरस्वती बोहोराले उपाधि जितेका छन् ।
नेपाल भूतपूर्व खेलाडी मञ्चले आयोजना गरेको म्याराथनको दोस्रो इभेन्टतर्फ शनिबार निर्धारित १० किमी दौडमा अजितले ३०.४५.२० मिनेटमा पूरा गरेका हुन् । उनी सन् २०१९ मा हङकङमा सम्पन्न ३ हजार मिटर दौडतर्फ एशियन युथ एथलेटिक्सका स्वर्ण पदक जित्ने पहिलो नेपाली खेलाडीसमेत हुन् ।
स्याङ्जाका युवराज थापाले ३२.५०.३० मिनेटमा दौड पूरा गर्दै दोस्रो र काठमाडौंका टंकबहादुर कार्कीले ३३.५.५० मिनेटमा दौड पूरा गरी तेस्रो भए । उनीहरुले २०, १५ र १० हजार साथमा मेडल पुरस्कार पाए ।
महिलातर्फ काठमाडौंकी सरस्वती बोहोराले ३९.३५.२० मिनेटमा निर्धारित १० किमी दौड पूरा गर्दै उपाधि जितिन् । एपिएफकी आशा रावतले ४०.१०.४० मिनेट र पोखराकी गोमा पुनले ४३.५९.४० मिनेटमा दौडा पूरा गर्दै दोस्रो र तेस्रो भए । उनीहरुले २०, १५ र १० हजार साथमा मेडल पुरस्कार पाए ।
छात्र ५ किमी दौडमा थापाठाना मावि पर्वतका आनन्द थापा पहिलो, कालिगण्डकी मावि पर्वतका कृष्णबहादुर परियार दोस्रो र मण्डली मावि गोरखाका सुरज बराम तेस्रो भए । छात्रातर्फ तनहुँ भानु माविकी नर्मता गुरुङ, पोखरा छोरेपाटन माविकी नारायणी भण्डारी र तनहुँको भानु माविकी सन्ध्या अधिकारी तेस्रो भए । दुवै इभेन्टमा पहिलो, दोस्रो र तेश्रो हुनेलाई १०, ७ र ५ हजार साथमा मेडल प्रदान गरियो ।

१६ औं सफल पोखरा अन्तर्राष्ट्रिय म्याराथनअन्तर्गत शनिबार दोस्रो इभेन्टको प्रतियोगिता भएको हो

ह्विल चियर पुरुष इभेन्टमा सुरेश गौली प्रथम, जीवन श्रेष्ठ दोस्रो र भरत अधिकारी तेस्रो भए । महिलातर्फ अञ्जु बराल, घना मगर र लक्ष्मी सुनार पहिलो, दोस्रो र तेश्रो हुँदै १०, ७ र ५ हजार साथमा मेडल पाए ।
दृष्टिविहीन पुरुषतर्फ प्रेम क्षत्री पहिलो, आदेश बस्याल दोस्रो र सुनिल रानामगर तेस्रो भए । महिला दृष्टिविहीनमा वीनिता पुन, माया गौतम र प्रतीक्षा लामिछाने पहिलो, दोस्रो र तेश्रो हुँदै १०, ७ र ५ पुरस्कार पाए ।
१० किमीमध्ये पुरुषतर्फ २ सय र महिलातर्फ १ सय जना, ५ किमी छात्रतर्फ ३ सय र ५ किमी छात्रातर्फ २ सय गरी कुल ८ सय जना दौड पूरा गर्ने खेलाडीलाई मेडल वितरण गरिएको थियो ।
विजेतालाई वरिष्ठ मुटु रोग विशेषज्ञ प्राडा भगवान कोइराला, प्रदेश खेलकुद परिषदका सदस्य सचिव तेजबहादुर गुरुङ, नेपाल होटल एन्ड टुरिजम होटल म्यानेजमेन्ट बोर्ड अफ डाइरेक्टर किरण केसी, कृषि विकास बैंकका गण्डकी प्रदेश निर्देशक घनेन्द्र अधिकारी, मञ्चका सल्लाहकार महेश गुरुङ, पूर्व अन्तर्राष्ट्रिय खेलाडी गणेश भट्टराई, मञ्चका संस्थापक अध्यक्ष खड्गबहादुर रानाभाट लगायतले मेडल, प्रमाणपत्र र नगद वितरण गरे ।
पोखरा रंगशालाबाट सुरु दौडको शुभारम्भ पोखरा महानगरपालिकाका प्रमुख मानबहादुर जिसीले गरेका थिए । विभिन्न इभेन्टमा गरी करिब ३ हजार ५ सय धावकले भाग लिएका थिए ।
सफल दूधको मुख्य प्रायोजनमा भएको प्रतियोगिताको पहिलो इभेन्ट गत फागुन ७ मा सम्पन्न भएको मञ्चका अध्यक्ष हरिप्रसाद पराजुलीले बताए ।

Related News

सम्बन्धित समाचार

  • तनहुँको फ्रेन्डसीप क्लबलाई फुटबल उपाधि

    आदर्श समाज सम्वाददाता वैशाख ७, २०८१
    लमजुङ । ‘सुखी गाउँ’ घलेगाउँमा नयाँ वर्ष अवसरमा सञ्चालित सातौं स्मार्ट भिलेज गोल्ड फुटबल कप उपाधि तनहुँको फ्रेन्डसीप क्लबले जितेको…
  • लेखनाथ हाफ म्याराथनमा आर्मीका सञ्जय च्याम्पियन

    आदर्श समाज सम्वाददाता वैशाख २, २०८१
    पोखरा । त्रिभुवन आर्मी क्लबका सञ्जय श्रेष्ठले दोस्रो संस्करणको लेखनाथ हाफ म्याराथनको उपाधि जितेका छन् । पोखरा महानगरपालिका खेलकुद विकास…
  • वडा ४ ले जित्यो अध्यक्ष कप फुटबल

    आदर्श समाज सम्वाददाता वैशाख १, २०८१
    लमजुङ । क्ब्होलासोथार गाउँपालिकाद्वारा सञ्चालित प्रथम अध्यक्ष कप खेलकुद प्रतियोगिताको उपाधि पुरूषतर्फ वडा ४ ले हात पारेको छ । गाउँपालिकाको…
  • ढोलाहिटीलाई फुटबल उपाधि

    आदर्श समाज सम्वाददाता चैत्र ३०, २०८०
    पोखरा । ढोलाहिटी फ्रिडमले दोस्रो एबिसी फोर्टी फाइभ प्लस एट ए साइड भेट्रान्स फुटबल प्रतियोगिताको उपाधि रक्षा गरेको छ ।…
  • बुद्ध विशालको फुटसल प्रतियोगिता

    आदर्श समाज सम्वाददाता चैत्र २७, २०८०
    पोखरा । बुद्ध विशाल बजार व्यापारिक एसोसिएसन पोखराले आफ्ना व्यवसायीबीच सातौं आन्तरिक फुटसल प्रतियोगितामा राजेश खाँडको समूह विजयी भयो ।…

hero news full width