पोखरा । लायन्स क्लब अफ पोखरा लेकसिटीले यहाँको अमरसिंह उच्च माविको दृष्टिविहीन शाखामा अध्ययनरत विद्यार्थीहरुको आँखाको दृष्टि कम भएका बालबालिकाहरुको परीक्षण गराएको छ ।
क्लबले त्यहाँ अध्ययनरत तथा आँखा कमजोर भएका ३९ जना बालबालिकाहरुको आँखा परीक्षण गराएको क्लबका अध्यक्ष कैलाश पालिखेले जानकारी दिए । अमरसिंहको दृष्टिविहीन शाखामा अध्ययनरत विद्यार्थीहरुको बेलाबेलामा परीक्षण गराउनुपर्छ । दृष्टि कम भएकालाई औषधीको आवश्यकता पनि पर्छ । उनीहरुको आवश्यकतालाई ध्यानमा राख्दै नेत्ररोग विशेषज्ञ डा. बबिता गुरुङ र नवीन बरालको सहयोगमा परीक्षण गरिएको कार्यक्रम संयोजक सुदीप प्रधानांगले जानकारी दिए । सो अवसरमा औषधी पनि वितरण गरिएको थियो । कार्यक्रममा लायन्स ३२५ बि १ नेपालका सिनियर एड्भाइजर शिव द्वा प्रमुख अतिथि थिए । लायन्स क्लब अफ पोखरा लेकसिटीले पछिल्लो समय शिक्षासँग जोडिएका क्षेत्रमा सहयोग गर्दै आएको छ ।