पोखरा । निजी तथा आवासीय विद्यालय अर्गनाइजेशन (प्याब्सन) नेपालको १५ औं राष्ट्रिय महाधिवेशनबाट कास्कीका ३ जना निर्वाचित भएका छन् ।
काठमाडौंमा कात्तिक ९ र १० मा सम्पन्न महाधिवेशनबाट खुला उपाध्यक्षमा वीरबहादुर बुढाथोकी निर्वाचित भए । पोखरा रामबजारको गोल्डेन फ्युचरका उनी प्याब्सन कास्कीका सल्लाहकार हुन् ।
यस्तै, गण्डकी प्रदेश उपाध्यक्षमा प्याब्सन कास्कीका पूर्व अध्यक्ष कृष्णबहादुर केसी निर्वाचित भए । उनी पोखराको चाउथेस्थि पोखरा पब्लिक स्कुलका हुन् । केन्द्रीय सदस्यमा भने लेखनाथको खुदीस्थित गोल्डेन नेचरका प्रेमप्रसाद शर्मा सर्वसम्मत भए । प्याब्सनका निवर्तमान जिल्ला उपाध्यक्ष शर्मा प्रमुख सल्लाहकारसमेत छन् ।
प्याब्सन कास्की अधयक्ष मथुराप्रसाद पौडेलले कास्कीले प्याब्सनको केन्द्रीय तहमा गर्विलो उपस्थिति जनाउनु सुखद भएको बताए । महाधिवेशनले डिके ढुंगानाको अध्यक्षतामा आगामी ३ वर्षको लागि नयाँ कार्यसमिति निर्वाचित गरेको हो ।
महाधिवेशनको शिक्षा, विज्ञान तथा प्रविधिमन्त्री देवेन्द्र पौडेलले उद्घाटन गरेका थिए । महाधिवेशनमा २ हजार ३ सय प्रतिनिधि सहभागी थिए ।