जुनियर राष्ट्रिय टेनिस सुरु

आदर्श समाज सम्वाददाता
चैत्र ८, २०७८
tennis

पोखरा । कास्की जिल्ला टेनिस संघको आयोजना तथा नेपाल टेनिस संघको समन्वयमा सोमबारदेखि पोखरामा मनुश्री–भिग्नाजित जेटीआई राष्ट्रिय जुनियर टेनिस प्रतियोगिता–२०७८ सुरु भएको छ ।
कास्की जिल्ला टेनिस संघका संरक्षक कुमार मोहनबहादुर शाहीले प्रतियोगिता उद्घाटन गर्दै आफू पनि लामो समयदेखि टेनिस खेल्दै आएको बताए । उनले यो खेलले जित्ने हौसला प्रदान गर्ने, आत्माविश्वास बढाउने, शारीरिक तथा मानसिक रुपमा बलियो बनाइराख्ने बताए । प्रतियोगिताको मुख्य प्रायोजकका रुपमा हरेक वर्ष २ लाख रुपैयाँ सहयोग गर्ने तथा खेलाडीको वृत्तिवकासका लागि आफ्नो बुवाआमाको नाममा ४ लाख रुपैयाँको अक्षयकोष राख्ने घोषणा गरे ।
प्रतियोगिताको उद्घाटन समारोहमा प्रदेश खेलकुद विकास समिति, गण्डकीका सदस्य सचिव तेजबहादुर गुरुङ, फिस्टेल एकेडेमीका प्राचार्य चिनु रानाभाट, गण्डकी बोर्डिङका प्राचार्य वीरेन्द्र खड्का, टेनिस संघका केन्द्रिय उपाध्यक्ष विनोद कायस्थ लगायतले पोखरामा टेनिस खेलले राम्रै सफलता हासिल गरेको भन्दै खुसी व्यक्त गरे । संघ कास्कीका अध्यक्ष लोकबहादुर गुरुङको अध्यक्षतामा भएको उद्घाटन समारोहमा संघका सदस्य मोनिका थापा र सचिव नवीन श्रेष्ठले कार्यक्रम सञ्चालन गरेका थिए ।
उद्घाटन खेलमा आर्यषराज पौडेलले विजयी सुरुवात गरेका छन् । ८ वर्षमुनिका नेपाल च्याम्प पौडेलले आफ्नै उमेर समुहको खेलमा रेयान्सबहादुर भट्टराईलाई पराजित गरेका हुन् । ८ वर्ष मुनिका अन्य खेलमा नीरज टण्डनले आदित्य केसीलाई, नीतेस थापाले इभान भट्टराईलाई, सुभान केसीले प्रान्सु कायस्थलाई पराजित गरे । ८ वर्ष मुनिकै गल्र्सतर्फ सारा पन्तले जेनोभा शर्मालाई तथा जिवाश्रीले केजिया शाक्यलाई पराजित गरिन् ।
१४ वर्ष मुनिको गल्र्स सिंगल्समा प्रशंसा मोक्तानले आदिती पराजुलीलाई तथा सिभाली गुरुङले स्वस्तीका विष्टलाई पराजित गरिन् । १४ वर्षमुनिको ब्वाइज सिंगल्समा राजवीर प्रधानले स्पर्श क्षेत्रीलाई, निसाद जोशीले जीवन सुनारलाई, सृजन भट्टराईले शास्वत बज्राचार्यलाई तथा दर्शील श्रेष्ठले एड्रिन थापालाई पराजित गरेका छन् ।
प्रतियोगितामा यु–८,९ र १० का विजेता तथा उपविजेताले गिफ्ट ह्याम्पर तथा तृतीयलाई मेडल तथा प्रमाणपत्र, यु–१२ ब्वाइज एन्ड गल्र्स सिंगलका विजेताले ८ हजार, उपविजेताले ५ हजार तथा तृतीयले मेडल तथा प्रमाणपत्र पुरस्कार प्राप्त गर्नेछन् । यु–१४ ब्वाइज एन्ड गल्र्स सिंगलतर्फ विजेताले १२ हजार, उपविजेताले ६ हजार तथा तृतीयले मेडल तथा प्रमाणपत्र पुरस्कार प्राप्त गर्नेछन् ।
यु–१६ ब्वाइज एण्ड गल्र्सतर्फ विजेताले १५ हजार, उपविजेताले ७ हजार ५ सय तथा तृतीयले मेडल तथा प्रमाणपत्र पुरस्कार प्राप्त गर्नेछन् । त्यस्तै, ओपन ब्वाइज एण्ड गल्र्स डबल्सतर्फ विजेताले १५ हजार, उपविजेताले ७ हजार ५ सय तथा तृतीयले मेडल तथा प्रमाणपत्र पुरस्कार प्राप्त गर्नेछन् ।

Related News

सम्बन्धित समाचार

  • तनहुँको फ्रेन्डसीप क्लबलाई फुटबल उपाधि

    आदर्श समाज सम्वाददाता वैशाख ७, २०८१
    लमजुङ । ‘सुखी गाउँ’ घलेगाउँमा नयाँ वर्ष अवसरमा सञ्चालित सातौं स्मार्ट भिलेज गोल्ड फुटबल कप उपाधि तनहुँको फ्रेन्डसीप क्लबले जितेको…
  • लेखनाथ हाफ म्याराथनमा आर्मीका सञ्जय च्याम्पियन

    आदर्श समाज सम्वाददाता वैशाख २, २०८१
    पोखरा । त्रिभुवन आर्मी क्लबका सञ्जय श्रेष्ठले दोस्रो संस्करणको लेखनाथ हाफ म्याराथनको उपाधि जितेका छन् । पोखरा महानगरपालिका खेलकुद विकास…
  • वडा ४ ले जित्यो अध्यक्ष कप फुटबल

    आदर्श समाज सम्वाददाता वैशाख १, २०८१
    लमजुङ । क्ब्होलासोथार गाउँपालिकाद्वारा सञ्चालित प्रथम अध्यक्ष कप खेलकुद प्रतियोगिताको उपाधि पुरूषतर्फ वडा ४ ले हात पारेको छ । गाउँपालिकाको…
  • ढोलाहिटीलाई फुटबल उपाधि

    आदर्श समाज सम्वाददाता चैत्र ३०, २०८०
    पोखरा । ढोलाहिटी फ्रिडमले दोस्रो एबिसी फोर्टी फाइभ प्लस एट ए साइड भेट्रान्स फुटबल प्रतियोगिताको उपाधि रक्षा गरेको छ ।…
  • बुद्ध विशालको फुटसल प्रतियोगिता

    आदर्श समाज सम्वाददाता चैत्र २७, २०८०
    पोखरा । बुद्ध विशाल बजार व्यापारिक एसोसिएसन पोखराले आफ्ना व्यवसायीबीच सातौं आन्तरिक फुटसल प्रतियोगितामा राजेश खाँडको समूह विजयी भयो ।…

hero news full width