पोखरा । नेपाल पत्रकार महासंघको आयोजनामा होली पर्वलाई उल्लासमयरुपमा मनाइएको छ । रङहरुको पर्व होली पत्रकारबीच आपसमा रङ लगाएर शुभकामना साटासाटा गरी मनाइएको हो ।
पत्रकार महासंघको परिसरमा बिहीबार भेला भएका कास्कीका पत्रकार एकअर्कामाथि विभिन्न प्रकारका रङ दल्दै शुभकामना साटासाट गर्न व्यस्त भए ।
नेपालमा प्रचलित विभिन्न संस्कृतिमध्ये होलीको आफ्नै किसिमको महत्व रहेकाले पत्रकार महासंघले होलीको आयोजना गरेको महासंघ कास्की अध्यक्ष विमला भण्डारीले जानकारी दिइन् । होली पर्वको नाममा समाजमा विकृति तथा विसंगति सृजना हुन नदिन र होलीलाई सौहार्दपूर्ण माध्यमवाट सम्पन्न गर्नका लागि पत्रकारको कलम चनाखो हुनुपर्ने बताइन् ।
कोरोना महामारी नियन्त्रणका लागि सरकारले जारी गरेको प्रतिबन्धात्मक व्यवस्थाका कारण अघिल्ला २ वर्ष ठूलो समूहमा सार्वजनिक स्थलमा होली खेल्न रोक लगाइएको थियो ।
महासंघ कास्की सचिव माधव बरालले आपसी भाइचारा, सौहार्दताका लागि पत्रकारबीच होली पर्व मनाइएको बताए ।