लेखनाथ महोत्सवमा वालन नृत्य

आदर्श समाज सम्वाददाता
चैत्र ४, २०७८
Lekhnath Mahotsav News

लेखनाथ । लेखनाथ उद्योग वाणिज्य संघद्वारा आयोतिज १७ औं लेखनाथ महोत्सवमा वालन नृत्यले रौनकमय बन्यो । महोत्सवमा पोखरा ३२ स्थित राधाकृष्ण सांस्कृतिक समूहले वालन नृत्य प्रस्तुत गरेको हो ।
पौराणिक कथा रामायणमा आधारित रहेर विभिन्न देवीदेवताको चरित्र चित्रण गरी प्रस्तुत गरिने नृत्यलाई नै बालन भनिने राधाकृष्ण सांस्कृतिक समूहका संस्थापक अध्यक्ष भुलाप्रसाद भण्डारीले बताए ।
पहिले पहिले मनोरञ्जन माध्यम सीमित हुने भएकाले पनि गाउँघरमा पूजाआजामा यो नृत्य प्रस्तुत गरिने भण्डारीले बताए । हिजोआज प्रविधिको विकाससँगै मनोरञ्जनका विकल्प पनि बढ्दै गएको र यस नृत्यमा कलाकार संख्या पनि अन्यमा भन्दा धेरै आवश्यक पर्ने भएकाले हाल लोप हुने अवस्थामा पुगेको छ ।
स्थानीय क्षेत्रको विकास एवं कला संस्कृति संरक्षण र प्रर्वद्धनका लागि महोत्सवमा विभिन्न कार्यक्रम सञ्चालन गरिंदै आएको भए पनि परम्परागत नृत्य प्रस्तुतिले दर्शकका लागि छुट्टै अनुभुति दिलाएको थियो ।
बिहीबार होली परेकाले महोत्सवमा आएका दर्शकसमेत रंगिएका थिए । बिहीबारमात्रै २० हजार दर्शकले महोत्सवको अवलोकन गरेको र ५० लाख बराबरको कारोबार भएको महोत्सव प्रचार प्रसार उपसमितिका संयोजक गोपीचन्द्र बास्तोलाले जानकारी दिए । हालसम्म महोत्सवको १ लाख २७ हजार दर्शकले अवलोकन गरेको र ३ करोड ५५ लाख बराबरको आर्थिक कारोबार भएको उनको भनाइ छ ।
बिहीबार आठौं दिन लोकदोहोरीगायक कुलेन्द्र बिश्वर्मा, अस्मिता डल्लकोटी, शंकर विरही गुरुङ, रिया खड्का, रामजी पौडेल र रतिमाया खड्काले प्रस्तुति राखेका थिए भने हास्यव्यंग कलाकार राजेन्द्र नेपाली र युवराज भण्डारीले प्रहशन प्रस्तुत गरेका थिए ।
राति लाइभ कन्सर्टमा कलाकार सन्तोष बस्याल, ओम गुरुङ र डान्सर रविना गुरुङको प्रस्तुति रौनकता थपेको थियो ।
‘महोत्सव लेखनाथको संस्कृति, स्थानीय उत्पादन, विकास र सम्बृद्धि’ भन्ने मूल नाराका साथ आयोजित महोत्सवमा कृषिजन्य स्थानीय उत्पादनदेखि अटो, सूचना प्रविधि, खाद्य, लत्ताकपडा, सेवा सूचना लगायतका ३ सय स्टल रहेका छन् ।
चैत्र ७ सम्म संचालन हुने महोत्सवको करिब २ लाख ५० हजार दर्शकले अवलोकन गर्ने र करिब १० करोडको आर्थिक कारोबार हुने अपेक्षा गरिएको छ ।

Related News

सम्बन्धित समाचार

  • पर्यटकलाई दुख दिने ९ जना पक्राउ

    आदर्श समाज सम्वाददाता फागुन १६, २०८०
    पोखरा ।  पोखरामा पर्यटकलाई सास्ती दिने ९ जनालाई कास्की प्रहरीले पक्राउ गरेको छ । मंगलबार पोखरा पृृथ्वीचोक, मुस्ताङचोक क्षेत्रबाट उनीहरुलाई…
  • सामुदायिक माटेपानीको रक्तदानमा ६६ युनिट रगत

    आदर्श समाज सम्वाददाता फागुन १६, २०८०
    पोखरा । सामुदायिक सेवा केन्द्र एवं सामुदायिक प्रहरी सेवा पोखरा १२, माटेपानीको आयोजनामा मंगलबार भएको रक्तदान कार्यक्रममा कुल ६६ युनिट…
  • पोखरामा साफा अन्तर्राष्ट्रिय सम्मेलन हुने

    आदर्श समाज सम्वाददाता फागुन १५, २०८०
    पोखरा । दक्षिण एशियाली लेखा व्यवसायी महासंघ (साफा) को बोर्ड बैठक, समिति बैठकसहित आइक्यान अन्तर्राष्ट्रिय सम्मेलन पोखरामा हुने भएको छ…
  • पोखरा वडा १२ मा हस्तकला तालिम सुरु

    आदर्श समाज सम्वाददाता फागुन १५, २०८०
    पोखरा । पोखरा महानगरपालिका वडा नं. १२ को आयोजना तथा विधाता हस्तकला तथा प्राविधिक तालिम केन्द्रको सहकार्यमा महिलाहरूका लागि एक…
  • पोखराको भवन मापदण्ड : ५ तलामाथिका घरमा लिफ्ट अनिवार्य

    आदर्श समाज सम्वाददाता फागुन १५, २०८०
    पोखरा । पोखरा महानगरपालिकाले नयाँ मापदण्ड सार्वजनिक गरेको छ । २०३१ को भौतिक विकास योजना, २०५५ सालको एकीकृत कार्यमूलक योजना,…

hero news full width