पोखरा । कोरोना कहर बिर्साउने गरी पोखरामा विदेशी पर्यटकले होली मनाएका छन् । नेपालीहरुको पर्व फागुपूर्णिमा अर्थात् होली अवसरमा विदेशी पर्यटकले आपसमा रंग दलेर यो पर्व मनाउँदै नौलो अनुभूति गरे ।
पोखराको मुख्य पर्यटकीयस्थल लेकसाइडमा जम्मा भएका विदेशी पर्यटकहरुले पञ्चेबाजाको तालमा नाचगान गर्दै आपसमा विभिनन रंग दलेर मनाउँदा फरकखालको महसुस भएको प्रतिक्रिया दिए ।
रेष्टुरेन्ट एन्ड बार एसोसिएसन नेपाल (रेवान), पोखराले पोखरा घुम्न अब सुरक्षित छ भन्ने सन्देश दिने उद्देश्यले बिहीबार होली महोत्सवलाई निरन्तरता दियो । रेवान अध्यक्ष लक्ष्मण बरालले अब पोखरा सबै हिसाबले सुरक्षित छ र पर्यटकीय गतिविधि चलायमान भएको छ भन्ने सन्देश पनि आयोजित महोत्सव सफल भएको दाबी पनि गरे ।
महोत्सवमा नाचगान र रंगले छ्यापाछ्याप गर्दै लेकसाइड परिक्रमा गर्दा विदेशी पर्यटक निकै दंग थिए । पहिलो पटक होलीमा सहभागी भएका पर्यटकले विशेष रुचिका साथ नेपालीसँगै रमाइलो गरेका थिए । उनीहरुको अनुहार रंगले रंगीचंगी बन्दा आपसमा चिन्नसमेत मुस्किल परेको थियो ।
फेवाताल किनार अम्बोटमा भेला भएर पर्यटक पञ्चेबाजा, संगीतको तालमा होली खेल्दै खहरेचोकसम्म पुगेका थिए । उनीहरुले गौरीघाट, वाराहीचोक, हल्लनचोक परिक्रमा गरेका हुन् ।
रेवान पोखराले आयोजना गरेको होली महोत्सवमा विदेशी पर्यटक नौलो मान्दै आपसमा रंग दलेका थिए
होली महोत्सवले कोरोनाले सुस्ताएको पर्यटन क्षेत्र चलायमान गराएको पोखरा पर्यटन परिषद्का अध्यक्ष गोपीबहादुर भट्टराईले बताए । उनले कोरोनाबाट सुस्ताएको पर्यटन अब चलायमान बन्ने शुभसंकेत देखा परेको बताए । सहभागीलाई मनोरञ्जन दिन लेकसाइडको विभिन्न ठाउँमा कन्सर्टसमेत आयोजना गरिएको थियो । महोत्सव पर्यटनसम्बद्ध विभिन्न संघसंस्था, सरकारी कार्यालयका प्रतिनिधि, स्थानीय क्लब, आमा समूहको सहभागिता थियो ।
रेवानले अंग्रेजी नयाँ वर्ष अवसरमा हालैमात्र २२ औं पोखरा सडक महोत्सव सम्पन्न गरेको छ । रेवानले सडक महोत्सव सुरुआतसँगै होली महोत्सवलाई पनि निरन्तरता दिएको हो । कोरोना महामारीले गत वर्ष होली महोत्सव स्थगित भएको थियो । त्यसअघि २०७६ सालमा होलीपछि विश्वव्यापी महामारीरुपमा कोभिड–१९ संन्त्रास सुरु भएको हो । कोरोनाले सबैभन्दा प्रभाव पनि पर्यटन क्षेत्रलाई पा¥यो ।
पोखरामा हाल पर्यटन क्षेत्रमा ५ अर्ब बढीको लगानी रहेको पर्यटन व्यवसायी बताउँनछन् । नेपाल घुम्न आउने विदेशी पर्यटकमध्ये ४० प्रतिशतजसो पोखरा घुम्छन् ।
Related News
सम्बन्धित समाचार
सहकारीका विकृति राजनीतिकर्मीका लागि चुनौती : मुख्यमन्त्री अधिकारी
पर्वत र बागलुङका सिडिओ फेरिए
जनप्रिय क्याम्पस प्रमुखमा रमेशबहादुर खड्का
धानको लोपोन्मुख प्रजाति संरक्षण गरिँदै
गण्डकीमा थुप्रिए रुग्ण र समस्याग्रस्त योजना
hero news full width
मुख्य समाचार
सराङकोटमा सहिद स्मृति भवन निर्माण
पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
जेठ २, २०८१बलात्कार मुद्दामा सन्दीप लामिछानेले पाए सफाइ
जेठ २, २०८१पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
जेठ २, २०८१व्यास नगरपालिकामा मेयर चुनावको पुन मतगणना गर्न आदेश
जेठ २, २०८१पोखरामा बुद्ध जयन्तीको सप्ताहव्यापी कार्यक्रम
जेठ २, २०८१