पोखरा । पोखरा १० राममार्गमा अवस्थित मेट्रोपोलिटन एकेडेमीले वार्षिकोत्सव मनाएको छ । कार्यक्रममबीच शैक्षिक सत्र २०७६/२०७७ का विभिन्न विधामा उत्कृष्ट विद्यार्थीलाई पुरस्कृत गरिएको थियो ।
कार्यक्रममा विद्यालय व्यवस्थापन समितिका सदस्य इन्द्रराज बरालले विद्यालयले पछिल्लो समय विभिन्न रचनात्मक कार्य गर्दै आएको र यसले सम्पूर्ण विद्यार्थीलाई ऊर्जा दिएको बताए ।
विद्यालय व्यवस्थापन समितिका अध्यक्ष हरिप्रसाद तिमिल्सेनाले विद्यार्थीले पढाइको साथसाथै अन्य क्षेत्रमा अघि बढ्नुपर्नेमा जोड दिए । विद्यालयका प्रधानाध्यापक दुर्गाप्रसाद शर्माले पढाइ र अनुशासन विद्यार्थीका १ सिक्काका २ पाटा भएकाले अनुशासित भएर सिक्नुपर्नेमा जोड दिए ।
विद्यालय प्रअ दुर्गाप्रसाद शर्माको अध्यक्षतामा भएको कार्यक्रम सञ्चालन शिक्षक भावना लामिछानेले गरेकी थिइन् ।