मैदीताल कृषि सहकारीमा भरत

आदर्श समाज सम्वाददाता
चैत्र ३, २०७८
Maidi taal Sahakari

लेखनाथ । मैदीताल कृषि सहकारी संस्था, पोखरा–३० अध्यक्षमा भरतप्रसाद तिवारी चयन भएका छन् । संस्थाको प्रथम साधारण सभा एवं अधिवेशनले आगामी ३ वर्षका लागि उनको अध्यक्षतामा ११ सदस्यीय संचालक समिति चयन गरेको हो ।
सहकारीको सभा उद्घाटन गर्दै गण्डकी प्रदेशका अर्थमन्त्री रामजी बरालले उत्पादनका माध्यमबाट मात्र सहकारी र आबद्ध सेयर सदस्यको सम्मृद्धि सम्भव रहेकाले कृषि उत्पादनमा जोड दिनुपर्ने बताए । उद्घाटन क्रममा मन्त्री बरालले तालमा माछाका भुरासमेत छाडेका थिए ।
गौतम ऋषि सहकारीका अध्यक्ष लक्ष्मीप्रसाद त्रिपाठीले स्थानीयस्तरमा रहेका सबै समस्याग्रस्त सामाजिक परिवेशको सम्बोधन हुने गरी सरकार र सहकारीले मिलेर काम गर्नुपर्ने बताए ।
वडा ३० का वडाध्यक्ष श्रीराम पोखरेलले वडाले सधैं जनताबीच रहेर काम गर्दै आएको बताए ।
कार्यक्रममा सहकारीका संस्थापक सल्लाहकार ऋषिराम त्रिपाठी, सेयर सदस्य कृष्णप्रसाद तिम्सिना, वडा ३० का वडा सदस्य सोमलाल कँडेल, कल्पना बास्तोला लगायतले बोलेका थिए ।
संस्थाका अध्यक्ष भरतराज न्यौपानेको अध्यक्षतामा सम्पन्न कार्यक्रमको सञ्चालन सचिव भरतप्रसाद तिवारीले गरेका थिए ।
पोखरा वडा २८ ३० र ३१ को संगमका रूपमा रहेको मैदीतालमा कृषिका माध्यमबाट मत्स्यपालन गरी आयआर्जन र पर्यापर्यटन बढाउने उद्देश्यले सहकारी स्थापना भएको हो ।

Related News

सम्बन्धित समाचार

hero news full width