बास्थला गनगनेको १६ औं साधारण सभा

आदर्श समाज सम्वाददाता
फागुन २९, २०७८
water

पोखरा । बास्थला गनगने पंधेरा खोला खानेपानी तथा सरसफाई उपभोक्ता समिति पोखरा १३ आर्वा को १६ औं वार्षिक साधारण सभा तथा उपभोक्ता भेला शुक्रबार भएको छ ।
भेला पोखरा १३ का अध्यक्ष दर्शन लामाले उद्घाटनपछि खानेपानीको पहुँच सबै जनता सम्म पुर्‍याउन पहिलो प्राथमिकताअनुसार वडाले काम गरेको बताए । उनले आफ्नो कार्यकालमा वडा नं १३ लाई नमुना वडा बनाएको दाबी गर्दै आगामी दिनमा आफू जहाँ रहे पनि वडाको समग्र विकासमा ध्यान दिने प्रतिबद्धता जनाए ।
रतन पाण्डे माविका प्रधानाध्यापक डिल्लीराम बरालले खानेपानी उपभोक्ता समितिले विद्यालयमा खानेपानीको व्यवस्थापन गरेको उल्लेख गर्दै समितिको काम सराहनीय भएको बताए ।
आर्वा मौजा कुलायन मार्ग सडक उपभोक्ता समितिका अध्यक्ष शरदचन्द्र बरालले आगामी आर्थिक वर्षभित्र आर्वा मौजा कुलायन मार्गअन्तर्गत निर्माण भइरहेको बाँकी सडकको काम निर्माण सम्पन्न गर्ने प्रतिबद्धता व्यक्त गरे । भेलामा पत्रकार तथा मोहरपानी आदर्श टोल विकास संस्था पोखरा १३ आर्वाका अध्यक्ष श्रीराम सिग्देलले समग्र आर्वाको विकास सबैले गम्भीर रुपमा ध्यान दिनुपर्ने बताए ।
कार्यक्रममा अमरज्योति आविका प्रधानाध्यापक विमलबहादुर बराल, शान्तेडाँडा सहेले सालघारी वन उपभोक्ता समितिका अध्यक्ष विष्णुप्रसाद बराल, जागरण आमा समूहकी अध्यक्ष राधादेवी बराल, अर्ध नारेश्वर टोल विकास संस्थाका अध्यक्ष टीकाराम बराल, छापाको चौतारा टोल विकास संस्थाका अध्यक्ष राधाकृष्ण बराल, उपभोक्ता भोजराज बराल, खानेपानीका कर्मचारी रुद्रनाथ बराललगायतले बोलेका थिए ।
कार्यक्रमबीच विभिन्न पदमा रही काम गरेका तथा जग्गादाताहरु टंकनाथ बराल, गंगादेवी बराल, होमविलास बराल, भोजराज बराल, सुकदेव बराल र रुद्रबहादुर कुइँकेल लाई सम्मान गरिएको छ ।
बास्थला गनगने पँधेरा खोला खानेपानी तथा सरसफाइ उपभोक्ता समितिका अध्यक्ष नरबहादुर बरालको अध्यक्षतामा भएको कार्यक्रममा उपाध्यक्ष घनश्याम बरालले स्वागत र कोषाध्यक्ष मधुमाया बरालले सञ्चालन गरेकी थिइन् ।

Related News

सम्बन्धित समाचार

  • पोयुसापलाई सर्वज्ञमान विष्णुदेवी संस्कृति पुरस्कार

    आदर्श समाज सम्वाददाता फागुन १८, २०८०
    पोखरा । पोखरेली युवा सांस्कृतिक परिवार (पोयुसाप) लाई सर्वज्ञमान विष्णुदेवी संस्कृति पुरस्कार २०८० अर्पण गरिने भएको छ । भैरव सांस्कृतिक…
  • ५३ युनिट रगत संकलन

    आदर्श समाज सम्वाददाता फागुन १८, २०८०
    पोखरा । पोखरा महानगरपालिका– १२ ले रक्तदान कार्यक्रम सम्पन्न गरेको छ । शुक्रबार कार्यालय परिसरमा गरिएको कार्यक्रममा ५३ युनिट रगत…
  • पर्यटकलाई दुख दिने ९ जना पक्राउ

    आदर्श समाज सम्वाददाता फागुन १६, २०८०
    पोखरा ।  पोखरामा पर्यटकलाई सास्ती दिने ९ जनालाई कास्की प्रहरीले पक्राउ गरेको छ । मंगलबार पोखरा पृृथ्वीचोक, मुस्ताङचोक क्षेत्रबाट उनीहरुलाई…
  • सामुदायिक माटेपानीको रक्तदानमा ६६ युनिट रगत

    आदर्श समाज सम्वाददाता फागुन १६, २०८०
    पोखरा । सामुदायिक सेवा केन्द्र एवं सामुदायिक प्रहरी सेवा पोखरा १२, माटेपानीको आयोजनामा मंगलबार भएको रक्तदान कार्यक्रममा कुल ६६ युनिट…
  • पोखरामा साफा अन्तर्राष्ट्रिय सम्मेलन हुने

    आदर्श समाज सम्वाददाता फागुन १५, २०८०
    पोखरा । दक्षिण एशियाली लेखा व्यवसायी महासंघ (साफा) को बोर्ड बैठक, समिति बैठकसहित आइक्यान अन्तर्राष्ट्रिय सम्मेलन पोखरामा हुने भएको छ…

hero news full width