प्रवासीसहित ६६ जिल्लाका अधिकारी बुटवलमा

आदर्श समाज सम्वाददाता
फागुन २८, २०७८
Adhikari Aadibesan 3

बुटवल । लुम्बिनी प्रदेशको औद्योगिक नगरी बुटवलमा प्रवासका शाखासहित मुलुकका ६६ जिल्लाका अधिकारीहरु बुटवलमा भेला भएका छन् । कश्यप गोत्रीय अधिकारी वंश प्रतिष्ठान नेपालको छैटौं केन्द्रीय महाधिवेशन सफल बनाउन शुक्रबार उनीहरु बुटवल पुगेका हुन् ।
प्रतिष्ठानका संस्थापक अध्यक्ष खेमराज अधिकारीले महाधिवेशन उद्घाटन गरे । उनले प्रतिष्ठान गठन गर्नुको एकमात्र उद्देश्य अधिकारी बन्धुहरुलाई एकीकृत गर्ने र दुखसुखमा साथ दिनु भएको बताए । अहिले पनि अधिकारीहरुका ४÷५ वटा संगठन हुनु दुखद भएको उनको भनाइ थियो ।
संविधान सभाका सदस्य बलराम अधिकारीले हाम्रो उद्देश्य, लक्ष्य र काम एकै छ भने एकीकृत हुन किन नसक्ने ? भनी प्रश्न गरे ।
संविधान सभाका सदस्य एवं पूर्व सांसद शंकरनाथ अधिकारीले (सिन्धुली) आर्य संस्कृति विश्वमा नै ज्येष्ठ संस्कृति भएको हुँदा यसको खोज, संरक्षण र प्रवद्र्धनका लागि सक्रिय हुन जरुरी भएको बताए । उनले अधिकारी वंशावलीलाई वेभ साइटमा सुरक्षित गर्न १ वर्षको वृद्ध भत्ताबापत प्राप्त हुने रकम प्रतिष्ठानलाई प्रदान गर्ने घोषणा गरे ।
शिवराज नगरपालिकाका मेयर नेत्रराज अधिकारी (कपिलवस्तु) ले वंश उत्थानका लागि संस्थागत विकासको खाँचो औंल्याउँदै त्यस्ता व्यक्तित्व नेतृत्वमा आउनुपर्नेमा जोड दिए ।
अधिकारी समाज दाङका अध्यक्ष देवीदास अधिकारी, अधिकारी समाज चितवनका अध्यक्ष देवीरमण अधिकारी, अधिकारी बन्धु समाज काठमाडौंका उपाध्यक्ष एकराज अधिकारी, अधिकारी समाज कास्कीका अध्यक्ष लीलाधर अधिकारीलगायतले सबै संस्थाहरुबीच एकता हुनुपर्नेमा जोड दिए ।
कश्यप गोत्रीय अधिकारी वंश प्रतिष्ठानका केन्द्रीय अध्यक्ष नरेन्द्रकुमार अधिकारीको अध्यक्षतामा भएको उद्घाटन सत्रमा वंश प्रतिष्ठानलाई जग्गादान गर्ने केन्द्रीय सल्लाहकार जंगबहादुर अधिकारी, संस्थापक अध्यक्ष, संविधान सभाका सदस्यद्वय शंकरनाथ अधिकारी र बलराम अधिकारी, मेयरद्वय हरि अधिकारी र नेत्रराज अधिकारीसहित प्रतिष्ठानको संस्थागत विकासमा योगदान पु¥याउने विभिन्न ३२ जनालाई सम्मान गरिएको थियो ।

Related News

सम्बन्धित समाचार

  • मेश्रम वराह माविको हीरक जयन्ती

    आदर्श समाज सम्वाददाता फागुन १६, २०८०
    पोखरा । अन्नपूर्ण गाउँपालिका–१०, घान्द्रुकस्थित मेश्रम वराह माध्यमिक विद्यालयको हीरक जयन्ती सुरु भएको छ । मंगलबार विद्यालयमा आयोजित एक समारोहबीच…
  • जिससका पदाधिकारीलाई तालिम

    आदर्श समाज सम्वाददाता फागुन १६, २०८०
    पोखरा । गण्डकी प्रदेश प्रशिक्षण प्रतिष्ठान आयोजना र जिल्ला समन्वय समिति महासंघ गण्डकी प्रदेश समिति समन्वयमा जिससका पदाधिकारीलाई सकारात्मक सोचसम्बन्धी…
  • नेवा पत्रकारलाई समाचार लेखन तालिम

    आदर्श समाज सम्वाददाता फागुन १५, २०८०
    नेवा पत्रकार पुचः कास्कीको आयोजना तथा पोखरा महानगरपालिका ९ को सहयोगमा समाचार लेखन सम्बन्धी आधारभूत तालिम भएको छ । मंगलबार…
  • मादीको चिप्लीमा शिवरात्रि मेला तयारी

    आदर्श समाज सम्वाददाता फागुन १५, २०८०
    पोखरा । कास्कीको मादी गाउँपालिका ६ चिप्लीस्थित सिद्ध युवा क्लबको आयोजनामा महाशिवरात्रि मेला हुने भएको छ । २०४४ सालमा स्थापित…
  • मुख्यमन्त्रीद्वारा प्रदेश प्रहरी कार्यालय निरीक्षण

    आदर्श समाज सम्वाददाता फागुन १५, २०८०
    पोखरा । गण्डकी प्रदेशका मुख्यमन्त्री सुरेन्द्रराज पाण्डेले प्रदेशको समग्र शान्ति सुरक्षालाई थप मजबुद र विश्वसनीय बनाई जनमैत्री र नागरिक केन्द्रित…

hero news full width