पोखरा । नेकपा एमाले अध्यक्ष केपी शर्मा ओलीले अब वास्तविक लडाइँ सुरु हुने बताएका छन् । स्थानीय र संसदीय निर्वाचन सम्मुखमा रहेको बेला जनताले एमालेलाई चयन गर्ने दाबी गरेका छन् । उनले यही लडाइँले सत्य र असत्यबीच फरक ल्याउने बताए । ‘अबको लडाइँ जनादेशी र परमादेशीबीच हुन्छ । परमादेशविरुद्ध खुलेर सामना गर्नुस्,’ कार्यकर्तालाई उनले भने, ‘एमाले जनताबाट निर्वाचित भएर आउँछ । कसैको आदेश र परमादेश हामीलाई स्वकार्य हुँदैन ।’
एमालेको प्रमुख प्राथमिकता राष्ट्र निर्माणमा रहेको भन्दै उनले जनताले मन पराउने गरी काम गर्न कार्यकर्तालाई निर्देशन दिए । उनले सामाजिक न्याय र समानताका लागि पार्टी सधंै अग्रणी भएर लाग्ने प्रतिबद्धता जनाएका छन् । ‘एमाले लोकतन्त्रको मूल्य मान्यता, स्वच्छता, पारदर्शितालाई आत्मसात गर्दै अघि बढेको छ । एमालेको विचार, व्यवहार, निष्ठता अन्यसँग तुलना गर्न मिल्दैन,’ उनले अघि थपे, ‘स्वच्छता र पारदर्शी एमालेको नीति हो । जनसेवाको काम गर्ने बाटोमा हामी छौं ।’
मंगलबार पोखरामा पार्टी प्रवेश कार्यक्रमलाई सम्बोधन गर्दै पूर्व प्रधानमन्त्री समेत रहेका ओलीले पार्टीको सिद्धान्त अनुसार जनपक्षमा क्रियाशील रहन आग्रह गरे । ‘पद नपाइन पनि सक्छ । पद र ओहोदाका लागि होइन, समाज निर्माणका लागि क्रियाशील रहनुस्,’ उनी भन्छन्, ‘पार्टीले सबैलाई न्याय हुने गरी व्यवहार गर्छ ।’
पूर्व सांसदसहित जसपा नेताहरु एमाले प्रवेश
जनता समाजवादी पार्टी (जसपा) का प्रभावशाली नेता कार्यकर्ता एमाले प्रवेश गरेका छन् । जसपा केन्द्रीय सदस्य देवी सुवेदी, संविधानसभा सदस्य डिबी नेपाली सहितका नेता कार्यकर्ताहरु एमाले प्रवेश गरेका हुन् । पोखरामा आयोजित एक कार्यक्रमबीच एमाले अध्यक्ष केपी शर्मा ओलीले उनीहरुलाई पार्टीमा स्वागत गरे ।
जसपाका ९ केन्द्रीय सदस्य, १३ जना प्रदेश पदाधिकारी तथा सदस्य, १२ जना जिल्ला सदस्यसँगै ३ जना भ्रातृ संगठनका अध्यक्षहरु एमाले छिरेका एमालेको दाबी छ । करिब ४ सय जनाले अरु पार्टी छोडेर एमाले रोजेको प्रदेश कमिटीका सचिव धनञ्जय दवाडीले जानकारी दिए ।
यस्तै, नेकपा एकीकृत समाजवादीका पोखरा ३० का वडाध्यक्ष जीवन गौतमसहित वडा कमिटी नै नेकपा एमालेमा समाहित भएको बताइएको छ । पार्टी प्रवेशपछि उनीहरुले देशको नेतृत्व गर्ने पार्टी एमाले भएकोले त्यसैलाई रोजेको प्रतिक्रिया दिएका छन् । कार्यक्रम एमाले गण्डकी प्रदेश कमिटी अध्यक्ष नवराज शर्माको अध्यक्षतामा भएको हो ।
Related News
सम्बन्धित समाचार
पत्रकार पोखरेल सम्मानित
रेवान पोखरामा विश्वराज
फिल्म ‘ईश्वर’ प्रदर्शन सुरु
कर्जा विस्तार हुनेगरी मौद्रिक नीति ल्यायौंः गभर्नर अधिकारी
बेनी–जोमसोम सडक अवरुद्ध
hero news full width
मुख्य समाचार
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१