पोखरा । पोखरामा अन्तरबटालियन भूतपूर्व भलिबल प्रतियोगिता सुरु भएको छ । ७५ औं भारतीय स्वतन्त्रता दिवसका अवसरमा भारतीय पेन्सन वितरण केन्द्र, रामबजारको पोखराको खेल मैदानमा आइतबारदेखि सुरु प्रतियोगिता सुरु भएको हो । प्रतियोगितामा १८ टोली सहभागी हुँदै छन् ।
भारतीय पेन्सन क्याम्प पोखराका प्रमुख कर्णेल शशांक त्रिपाठीले रेफ्रीलाई बल हस्तान्तरण गरेर प्रतियोगिताको उद्घाटन गरेका हुन् ।
बेस्ट अफ फाइभको आधारमा खेलाइएको प्रतियोगिताको उद्घाटन खेलमा ६/८ गोरखा राइफल्सले २/९ गोरखा राइफल्सलाई २६–२५ र २८–२६ को सोझो सेटले हराएको छ ।
अन्य खेलमा ५/४ गोरखा राइफल्सले ४/८ गोरखा राइफल्सलाई २५–२३ र २५–२० को सोझो सेटमा हरायो ।
त्यस्तै, २र१ गोरखा राइफल्सले १/५ गोरखा राइफल्सलाई २५–१८ र २५–२३ को सोझो सेटमा हरायो ।
अर्काे खेलमा १/५ गोरखा राइफल्सले १/२ गोरखा राइफल्सलाई २५–१७, २१–२५ र २५–२० को सेटमा हरायो ।
प्रतियोगितामा फाइनलसहित प्रतियोगितामा ३६ खेल हुनेछन् । प्रतियोगिताको विजेताले २५ हजार र उपविजेताले १५ हजार नगदसहित ट्रफी, मेडल र प्रमाणपत्र पुरस्कार प्राप्त गर्ने आयोजकले जनाएको छ ।