पोखरा । महिला दलित समिति पोखरा ९ को आयोजनामा तथा पोखरा ९ को सहयोगमा दलित महिलालाई निशुल्क कम्प्युटर शिक्षा कार्यक्रम सुरु भएको छ । तालिममा बेसिक र एकाउन्टिङ प्याकेजका लागि वडा नं ९ का २० जना सहभागी हुनेछन् । कार्यक्रमको कानुन, सञ्चार तथा प्रदेश सभा मामिला मन्त्री विन्दुकुमार थापाले उद्घाटन गरे ।
कार्यक्रममा पोखरा ९ का अध्यक्ष रामराज लामिछाने, समाजसेवी उत्तम जोशी, क्यान महासंघ कास्कीका निवर्तमान अध्यक्ष युवराज पौडेल, वडा सदस्य राममाया मानन्धर र गीता चर्माकार लगायतले बोलेका थिए ।
संस्थाका अध्यक्ष सपना विकको अध्यक्षता भएको कार्यक्रममा स्वागत उपाध्यक्ष माया दर्जी र सञ्चालन सचिव रविना विकले गरेका थिए ।