गोपी–धरम र नवीन–राजु जोडी फाइनलमा

आदर्श समाज सम्वाददाता
फागुन १५, २०७८
tenis vetrans dubble

पोखरा । गोपीबहादुर भट्टराई र धरमसिंह लामिछानेको जोडीले नवीन श्रेष्ठ र राजु गुुरुङको जोडीसँग पोखरामा जारी रेवान पोखरा भेट्रान्स टेनिस प्रतियोगिताको डबल्सतर्फ उपाधिका लागि भिड्ने भएका छन् । कास्की जिल्ला टेनिस संघको आयोजनामा पोखरा रंगशालामा जारी प्रतियोगिताअन्तर्गत शनिबार भएको डबल्सतर्फको सेमिफाइनल खेलमा जीत हासिल गरेका उनीहरुले उपाधिका लागि अन्तिम प्रतिस्पर्धा गर्नेछन् ।
प्रतियोगिताअन्तर्गत पहिलो सेमिफाइनलमा गोपी र धरम जोडीले लोक गुरुङ र राजन पौडेलको जोडीमाथि ६–४, ७–५ को नतिजा निकाल्दै फाइनलमा स्थान सुरक्षित पार्दा नवीन श्रेष्ठ र राजु गुरुङको जोडीले नवीन चालिसे र शरण गुरुङको जोडीमाथि ६–४, ६–३ को सोझो सेटमा खेल आफ्नो पक्षमा पार्दै फाइनलमा स्थान पक्का गरेका हुन् ।
रेबान पोखराको मुख्य प्रायोजनमा जारी प्रतियोगिताअन्तर्गत सिनियर भेट्रान्सको एकल उपाधिका लागि गोपीबहादुर भट्टराई र राजन पौडेलबीच प्रतिस्पर्धा हुनेछ । प्रतियोगिताका फाइनल खेलहरु आइतबार बिहान हुने आयोजक संघले जनाएको छ ।
प्रतियोगितामा खुला एकलतर्फका विजेताले नगद १५ हजार तथा दोस्रो हुनेले नगद ७ हजार ५ सयसहित ट्रफी प्राप्त गर्नेछन् । डबल्सतर्फ विजेताले नगद १० हजार तथा उपविजेताले नगद ५ हजारसहित ट्रफी पुरस्कार प्राप्त गर्नेछन् । नवप्रवेशीतर्फका विजेता र उपविजेताले ट्रफी पुरस्कार प्राप्त गर्नेछन् ।

Related News

सम्बन्धित समाचार

hero news full width