पोखरा । पोखरा १, बगरस्थित दीप हस्पिटल एन्ड रिसर्च सेन्टरले स्वास्थ्य शिविरको आयोजना गर्ने भएको छ । हस्पिटलले आफ्नो सेवाहरु पूर्ण रुपमा सञ्चालनमा आएको अवसरमा यही फागुन २१ गते शनिबार अस्पताल प्रांगणमै शिविर सञ्चालन गर्न लागेको प्रबन्ध निर्देशक अर्जुन गुरुङले जानकारी दिए ।
शिविरमा पेट, छाती तथा मुटु रोग सेवा, हाडजोर्नी नसा तथा बाथरोग, स्त्री तथा प्रसूति रोग, बालरोग, छाला तथा यौन रोग, नाक, कान तथा घाँटी, आँखा रोगसम्बन्धी जाँच हुने जनाइएको छ ।
साथै ल्याब, एक्सरे, इसिजी, भिडियो एक्सरे, मुटुको भिडियो एक्सरे (इको) लगायत विशेषज्ञद्वारा स्वास्थ्य परीक्षण गरिने र विशेषज्ञ डाक्टरबाट गरिने जाँचमा शत प्रतिशत छुट र अन्य सेवामा ३० प्रतिशतसम्म छुट रहेको अस्पताल व्यवस्थापक शालिग्राम गौतमले बताए ।