पोखरा । लायन्स क्लब अफ पोखरा चौतारीले तनहँुको शुक्लागण्डकी ४ मा रहेको अमरज्योति प्राथमिक विद्यालय खैरेनीटार ग्यासिङका विद्यार्थीलाई नगद, शैक्षिक सामग्री तथा पोसाक वितरण गरेको छ ।
क्लबबाट हस्तान्तरण गरिएको ५० हजार नगद तलब भत्तामा खर्च गरिने विद्यायलका प्रअ कमला राना थापाले बताइन् । कार्यक्रममा लायन्स डिस्ट्रिक्ट चिफ एड्मिनिस्टेटर चण्डीप्रसाद अर्यालले सरकारी विद्यालयमा विद्यार्थीको अभावले सरकारको लगानी बालुवामा पानी भएकाले गुणस्तरीय शिक्षाका लागि जोड दिनुपर्ने बताए ।
कोचिप एड्भाइजर मोहनबाबु खडकाले विद्यार्थी संख्या र शैक्षिक गुणस्तरमा जोड दिनुपर्ने बताए । संस्थाका अध्यक्ष शरदकुमार सापकोटा, कार्यक्रम संयोजक प्रजापति बास्तोला, चियर प्रसन बुद्धिबहादुर थापा, डिस्ट्रिक्ट सिनियर एड्भाइजर तेजबहादुर भट्टराई, सचिव रामचन्द्र अधिकारी, क्लस्टर प्रमुख सन्तोष घिमिरेलगायतले गुणस्तरीय शिक्षाबारे बोलेका थिए ।