पोखरा । ला ग्रान्डी इन्टरनेशनल कलेजले आफ्नो व्याच २०१५ तथा ०१६ का १ सय ९७ विद्यार्थीलाई दीक्षित गरेको छ ।
कोरोनाका कारण विश्वविद्यालयले यस पटक डिन लिष्टमा पर्न सफल विद्यार्थीलाई विश्वविद्यालयमा नै डिन लिस्ट अवार्ड प्रदान गरेको थियो ।
दीक्षित हुने विद्यार्थीलाई कलेजका प्रिन्सिपल एवं कार्यक्रमका सभापति इ. किरण केसी, पोखरा विश्वविद्यालय विज्ञान तथा प्रविधि संकायका डिन, पोवि सिनेट सदस्य सहप्राध्यापक राजेश कुमार ठकुराठी, कलेजका कार्यकारी निर्देशक डा. डेबिडकुमार बस्यालले शुभकामना दिंदै प्रमाणपत्र प्रदान गरेका थिए ।
सन् २०१५ र २०१६ का कुल विद्यार्थीमध्ये २८ जना डिन लिस्टमा र ५ जना ला ग्राणी एक्सिलेन्स अवार्ड प्राप्त गर्न सफल भएका थिए । उक्त विद्यार्थीलाई प्रमाणपत्र, अवार्ड तथा नगद पुरस्कारद्वारा सम्मानित गरिएको थियो । कार्यक्रममा दीक्षित विद्यार्थीका अभिभावकसमेत उपस्थित थिए ।
कार्यक्रमको सहजीकरण कलेजका प्रशासक तथा अंग्रजी विभाग प्रमुख ज्ञानेन्द्र पौडेलले गरेका थिए । पोखराको सिमलचौरस्थित कलेजमा हाल ६ सय जना विद्यार्थी अध्ययनरत् छन् । कलेजले १९ वर्षदेखि बिबिए, बिसिए र बिपिएचका कक्षा सञ्चालन गर्दै आएको छ ।