पोखरा । जलवायु परिवर्तनको प्रत्यक्ष असर यहाँको खाद्य सुरक्षा र जनजीविकोपार्जनमा देखा परेको भन्दै स्थानीय सरोकारवालाले चिन्ता व्यक्त गरेका छन् ।
संयुक्त राष्ट्रसंघ विश्व खाद्य कार्यक्रमको आर्थिक सहयोगमा जिल्ला समन्वय समिति कास्की, गण्डकी प्रदेश नीति तथा योजना आयोग र राष्ट्रिय योजना आयोगको संयुक्त आयोजनामा पोखरामा भएको पुनरुत्थानशीलता विश्लेषण तथा जीविकोपार्जनसम्बन्धी कार्यक्रममा सहभागीले जलवायु परिवर्तनका कारण हुन सक्ने खाद्य संकटका लागि बेलैमा सचेत हुनुपर्नेमा जोड दिए ।
जिल्ला समन्वय समिति कास्कीका प्रमुख वैनबहादुर क्षेत्रीले जलवायु परिवर्तनले जीवनमा पार्न सक्ने विषयलाई बेलैमा स्थानीय निकायले सम्बोधन गर्नुपर्ने बताए । खाद्य सुरक्षाका लागि पहिले उत्पादन बढाउनु पर्ने, जमिन बाँझो राख्न नहुने, उत्पादित खाद्यान्न सहज र सरल रुपमा बनाउन जनताको क्रयशक्तिमा वृद्धि हुनुपर्ने लगायतका विषयमा जोड दिए ।
कास्कीका प्रमुख जिल्ला अधिकारी जयनारायण आचार्यले जलवायु परिवर्तनका बाहक बनेका विकसित राष्ट्रले फालेको कार्वन व्यवस्थापनका लागि प्राप्त गर्नुपर्ने रकम नेपालले प्राप्त गर्न नसकेको बताए ।
स्थानीय ज्ञान सीप अनुभव आधारमा जलवायु परिवर्तन र यस्ले पार्ने असरबारे सुझाव संकलन गरी सरकारलाई नीति निर्माण तहमा सघाउने उद्देश्यले कार्यक्रमको आयोजना गरिएको संयुक्त राष्ट्रसंघ विश्व खाद्य कार्यक्रमका गणेश तिमिल्सेनाले बताए ।
गण्डकी प्रदेश योजना आयोगका प्रवीण ढकालले कार्यपत्र प्रस्तुत गरेको कार्यक्रमको सहजीकरण विश्व खाद्य कार्यक्रमका विष्णु आचार्य र यज्ञ पुनले गरेका थिए । कार्यक्रममा कास्कीका ५ पालिकाका जनप्रतिनिधिसहित स्थानीय सरोकारवालाको सहभागिता थियो ।
Related News
सम्बन्धित समाचार
पत्रकार पोखरेल सम्मानित
रेवान पोखरामा विश्वराज
फिल्म ‘ईश्वर’ प्रदर्शन सुरु
कर्जा विस्तार हुनेगरी मौद्रिक नीति ल्यायौंः गभर्नर अधिकारी
बेनी–जोमसोम सडक अवरुद्ध
hero news full width
मुख्य समाचार
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१