पोखरा । आन्तरिक पर्यटन पुनर्उत्थानको प्रमुख उद्देश्यसहित जाउँ है पोखरा अभियान–२०७८ सुरु भएको छ । कोभिड १९ को प्रभाव मत्थर हुँदै गर्दा पश्चिमाञ्चल होटल संघ पोखराले सोमबार बुटवलमा अभियान केन्द्रित छलफल तथा पत्रकार सम्मेलन आयोजना गरेको थियो ।
अभियानका संयोजक एवं संघका निवर्तमान अध्यक्ष विकल तुलाचनले आन्तरिक पर्यटनका माध्यमबाट पर्यटन पुनर्जागृत गर्ने अभियानको मुख्य उद्देश्य रहेको जानकारी दिए । आगामी चैत २९ देखि बैशाख १ गतेसम्म पोखरामा संघले आयोजना गर्ने फेवा नव वर्ष महोत्सवमा सहभागिताका लागि संयोजक तुलाचनले रुपन्देहीवासीलाई आमन्त्रण गरे ।
संघका अध्यक्ष लक्ष्मण सुवेदीले आन्तरिक पर्यटन नै दिगो पर्यटनको मुख्य आधार भएको बताए । त्यही भएर पनि संघले आन्तरिक पर्यटनमा जोड दिंदै जाउँ है पोखरा अभियान संचालन गरेको अध्यक्ष सुवेदीले स्पष्ट पारे ।
लुम्बिनी प्रदेशका पर्यटन सचिव महेशचन्द्र नेउपानेले पर्यटन व्यवसाय आवतजावतमा आधारित हुने स्मरण गराउँदै व्यवसायीसँग छलफल गरेर नै मन्त्रालय अघि बढ्ने बताए । स्थानीय खानाको प्रवद्र्धनमा समेत ब्यबसायीले ध्यान दिनु पर्ने उनको सुझाव थियो ।
कोरोनाबाट थला परेको पोखराको पर्यटन उकास्न होटल संघले यो अभियान ल्याएको हो
होटल तथा रेष्टुरेण्ट व्यवसायी संघ बुटवलका संस्थापक अध्यक्ष माधव नेपालले पर्यटन क्षेत्रलाई प्रदान गरिंदै आएको पुनर्कर्जाको व्यवस्थालाई ५ वर्षसम्म निरन्तरता दिनुपर्ने माग गरे ।
नाट्टा लुम्बिनीका अध्यक्ष सागर अधिकारीले लुम्बिनी र पोखरालाई पर्यटकीय हिसाबले जोड्नु पर्ने बताए । बुटवल र पोखराबीच स्तरीय पर्यटक बस सेवा विस्तार गर्न जरुरी रहेको उनको सुझाव थियो । नेपाल पत्रकार महासंघ रुपन्देही सभापति रामराज पोखरेलले पोखराले आफ्न्नो पर्यटनसम्बन्धी अनुभव अन्य सम्भावना बोकेका सहरलाई बाँड्नुपर्ने बताए ।
होटल संघ पोखराका सल्लाहकार हरि शर्मा गैह्रेले लुम्बिनी र पोखराबीच संस्कृति र खानाको सम्बन्ध पनि स्थापित गर्न सकिने बताए । पोखरा, बुटवल, चितवन र काठमाडौंलाई गोल्डेन ट्रयांगल मानेर प्रवद्र्धनका कार्यक्रम अगाडि बढाउनुपर्ने उनको सुझाव थियो ।
कार्यक्रमका सहभागीले पोखरासम्म स्तरीय बस सेवा र सडक सुधारमा जोड दिए । पोखरा र भैरहवाबीच सिधा हवाईसेवाको शुल्क महँगो भएको गुनासो पनि सहभागीको थियो । पोखराका पर्यटकीय प्याकेज र वरपरका गन्तव्यबारे समेत सो अवसरमा जिज्ञासा राखिएको थियो । फागुन ८ देखि ११ सम्म चल्ने अभियानअन्तर्गत बुटवल, हेटौंडा, वीरगंज र चितवन समेटिएको छ ।
Related News
सम्बन्धित समाचार
रेवान पोखरामा विश्वराज
पोखरामा बोलबम सुरु, धार्मिक पर्यटनमा टेवा
सांग्रिला होटल संस्थापक पाण्डेको निधन
कोरोनाले फेरिएको ढिकीडाँडा
पोखरामा बोलबम पदयात्राको तयारी पूरा, साउनका चारै सोमबार हुने
hero news full width
मुख्य समाचार
कर्जा विस्तार हुनेगरी मौद्रिक नीति ल्यायौंः गभर्नर अधिकारी
गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१