‘वैशाखबाटै नयाँ शैक्षिक सत्र’

रासस
फागुन ६, २०७८
Education-Ministry

काठमाडौं । शिक्षा, विज्ञान तथा प्रविधिमन्त्री देवेन्द्र पौडेलले आगामी वैशाखबाटै नयाँ शैक्षिक सत्र सुरु गरिने र जेठ १ गतेबाट कक्षा सञ्चालन हुने बताउनुभएको छ ।

शान्ति शिक्षा मन्दिर माध्यमिक विद्यालय काठमाडौँ महानगरपालिका–१७ ठहिटीको नयाँ भवनको आज उद्घाटन गर्दै मन्त्री पौडेलले आगामी तीन वर्षभित्र सबै सार्वजनिक विद्यालयका भवन बनाउने पनि बताउनुभयो ।

“राष्ट्रपति शैक्षिक सुधार कार्यक्रममार्फत करिब एक हजार ९०० विद्यालय बनेका छन्”, मन्त्री पौडेलले भन्नुभयो, “देशभरका विद्यालयमा के आवश्यकता छ त्यसको आधारमा अब विद्यालयका पूर्वाधार बन्छन् ।”, मन्त्री पौडेलले विद्यालय भवनले मात्रै नहुने भन्दै शैक्षिक गुणस्तरका लागि शिक्षक, अभिभावक र विद्यार्थी लाग्नुपर्नेमा जोड दिनुभयो ।

पूर्वाधार निर्माणसँगै ‘पढ्दै कमाउँदै’ कार्यक्रम अघि बढेकाले केही दिनभित्र अर्थ मन्त्रालयबाट बजेट स्वीकृत गरी निवेदन दिएका विद्यालयमा सोही कार्यक्रम जाने पनि उहाँले बताउनुभयो । शिक्षण सिकाइलाई थप प्रभावकारी बनाउन विद्यालयमा ल्याब, आइसीटी ल्याबको व्यवस्था गरिएको बताउँदै शिक्षक दरबन्दी र १८ वर्षदेखि रोकिएको आन्तरिक बढुवाको काम अघि बढेको बताउनुभयो । उहाँले सङ्घीय शिक्षा, प्राविधिक शिक्षा, उच्च शिक्षा ऐनको काम मन्त्रालयले सकेर अर्थ र कानुनमा पठाएको दोहोराउनुभयो ।

विसं २०७२ वैशाख १२ गतेको भूकम्पबाट क्षतिग्रस्त भइ नेपाल सरकार र एसियाली विकास बैंकको आर्थिक सहयोगबाट राष्ट्रिय पुनःनिर्माण प्राधिकरण केन्द्रीय आयोजना कार्यान्वयन एकाइ ९शिक्षा० को विपद् उत्थानशील विद्यालय परियोजनमार्फत चार करोड १७ लाखमा २२ कोठे भवन बनेको हो ।

अर्थ मन्त्रीसँग छलफल

मन्त्री पौडेलले शैक्षिक प्रमाणपत्र धितो राखेर ऋण दिने विषयमा अर्थमन्त्री जर्नादन शर्मासँग छलफल गर्नुभएको छ । बिहीबार मन्त्री पौडेलले धितो राखेर ऋण दिने विषयमा छलफल गर्नुभएको हो । सरकारले आर्थिक वर्ष २०७८/७९ को बजेटमा स्नातक वा सोभन्दा माथि शैक्षिक योग्यता हासिल गरेका युवालाई प्रमाणपत्र धितो राखी कर्जा दिने कार्यक्रम समेटेको थियो । बजेटमा सहुलियतपूर्ण ब्याजदरमा २५ लाख रुपैयाँसम्म कर्जा उपलब्ध गराइने उल्लेख छ ।

Related News

सम्बन्धित समाचार

  • लक्ष्मी आदर्श माविको स्वर्ण महोत्सव सकियो

    आदर्श समाज सम्वाददाता फागुन १८, २०८०
    लेखनाथ । पोखरा २७ मा रहेको लक्ष्मी आदर्श माविको स्वर्ण महोत्सव शुक्रबार सम्पन्न भएको छ । ३ दिनसम्म चलेको स्वर्ण…
  • पोखरा १२ मा मन्टेसरी तालिम सकियो

    आदर्श समाज सम्वाददाता फागुन १८, २०८०
    पोखरा ।  पोखरा महानगरपालिका १२ मा सञ्चालित निशुल्क मन्टेसरी तालिम सकिएको छ । ३ महिना अघिदेखि दैनिक ५ घन्टा सञ्चालन…
  • पोखरा नर्सिङ क्याम्पसको वार्षिकोत्सव

    आदर्श समाज सम्वाददाता फागुन १८, २०८०
    पोखरा । पोखरा नर्सिङ क्याम्पस पोखराको ४१ औं वार्षिकोत्सव समारोह बिहीबार भएको छ । २०३९ फागुन १७ गते स्थापना भएको…
  • विन्ध्येश्वरी आदर्शमा ग्लोबल क्विज

    आदर्श समाज सम्वाददाता फागुन १८, २०८०
    पोखरा । विन्ध्येश्वरी आदर्श बोर्डिङ स्कुल मोहरिया टोलमा कक्षा २–९ सम्म ग्लोबल क्विज तथा अंग्रेजी डायलग प्रतियोगिता सम्पन्न भएको छ…
  • श्रीकृष्ण माविको अध्यक्षमा शोभाचन्द्र

    आदर्श समाज सम्वाददाता फागुन १८, २०८०
    पोखरा । पोखरा महानगरपालिका वडा नम्बर ७ स्थित श्रीकृष्ण माध्यमिक विद्यालय व्यवस्थापन समिति अध्यक्षमा शोभाचन्द्र बराल चयन भएका छन् ।…

hero news full width