सत्ता गठबन्धनको बैठक निष्कर्षविहीन

आदर्श समाज सम्वाददाता
फागुन ५, २०७८
mcc ktm

पोखरा । मिलेनियम च्यालेन्ज कर्पोरेसन (एमसिसी) बारे निर्णय लिन बसेको सत्ता गठबन्धनको बैठक निष्कर्षविहीन बनेको छ । शुक्रबार बिहान ९ बजे पुनः बस्ने गरी बिहीबारको बैठक स्थगित भएको हो ।
राजनीतिक दलको विवादको भुँमरीमा परेको अमेरिकी आर्थिक सहयोग कार्यक्रम एमसिसीबारे निर्णय लिन गठबन्धनको बैठक बसेको थियो । शुक्रबार बस्ने संसद बैठकमा एमसिसी पेस गर्ने प्रधानमन्त्रीको तयार थियो । तर, अन्तिम निर्णय गर्ने भनेर बोलाइएको बैठक फेरि बस्ने गरी सकिएपछि एमसिसी शुक्रबारको संसद बैठकमा पेश हुने सम्भावना न्युन भएको छ ।
बिहीबार साँझको बैठकमा प्रधानमन्त्री शेरबहादुर देउवासहित गठबन्धनका शीर्ष नेताहरू सहभागी थिए । प्रधानमन्त्री देउवाले जसरी पनि संसद्मा एमसिसी टेबल गर्ने तयारी गरेपछि सत्ता साझेदार माओवादी केन्द्रले सरकारबाट बाहिरिने तयारी गरेको थियो । प्रधानमन्त्री देउवा र माओवादी केन्द्रका अध्यक्ष पुष्पकमल दाहालबीच बुधवार भएको छलफलपछि बिहीवारका लागि गठबन्धनको बैठक राखिएको थियो ।
गठबन्धनको बैठकअघि प्रचण्ड र नेकपा एसका अध्यक्ष माधव नेपालबीच एमसिसीबारे छलफल भएको थियो । माओवादी र एकीकृत समाजवादी यथास्थितिमा एमसिसी पास नगर्ने अडानमा छन् । जसपा नेता एवं संघीय मामिला मन्त्री राजेन्द्र श्रेष्ठ समेत सहभागी बैठकपछि दाहालले गठबन्धन जोगाउन प्रयत्न गर्ने बताएका थिए ।

Related News

सम्बन्धित समाचार

hero news full width