पोखरा । नेपालका प्रथम सहिद लखन थापामगरको १४५ औं स्मृति दिवस गण्डकी प्रदेशको राजधानी पोखरामा पनि मनाइएको छ ।
सोमबार नेपाल मगर संघ, कास्कीको आयोजनामा लखन स्मृति दिवस मनाइएको हो । स्मृति दिवसका अवसरमा पोखराको पृथ्वीचोकमा रहेको प्रथम सहिद लखनको सालिकमा माल्यार्पण र राष्ट्रिय झण्डा झण्डोत्तोलन गरी प्रथम सदिदप्रति श्रद्धाञ्जली अर्पण गरिएको थियो ।
नेपाल मगर संघका केन्द्रीय सल्लाहकार बालासिंह काउछामगरले लखनलाई राज्यले उचित सम्मान दिन नसकेको गुनासो गरे । थापाले शहादत प्राप्त गरेको दिनलाई सहिद दिवसका रुपमा मनाइनुपर्ने बताउँदै उनले प्रथम सहिदको सम्झना मगर समुदायले मात्र गर्नुपर्ने अवस्था रहनु विडम्बना भएको बताए । नेपाली जनताको ठूलो दबाबका कारण राज्यले प्रथम सहिद घोषणा गर्न बाध्य भए पनि प्रथम सहिदप्रति राज्यले अझै विभेदको व्यवहार गरेको सल्लाहकार काउछामगरको भनाइ थियो ।
नेपाल मगर संघ, कास्कीकी अध्यक्ष संगीता पुनमगरले पोखरा महानगरपालिकाकै सहयोगमा थापाको सालिक लखनचोकमा राखिएको बताउँदै शालिकको संरक्षणका लागि महानगर र स्थानीय प्रशासनले विशेष ध्यान दिनुपर्ने आवश्यकता औंल्याए । त्यस्तै, सचिव रामबहादुर थापामगरले थापाले कुनै जाति विशेषका लागि नभई नेपाली जनताको लोकतान्त्रिक अधिकारका लागि प्राणको आहुति दिएको बताउँदै सहिदको बलिदानीको राज्यले सम्मान गर्नुपर्ने धारणा राखे ।
स्मृति सभामा नेपाल मगर संघ, कास्कीकी उपाध्यक्ष बुद्धिमाया थापामगर, सह–सचिव लालबहादुर रानामगर, कोषाध्यक्ष चन्द्रबहादुर पुर्जामगर, नेपाल मगर पत्रकार संघका केन्द्रीय उपमहासचिव रूद्रबहादुर श्रीसमगर, समाजसेवी रामु गिरीलगायत सहभागी थिए ।
Related News
सम्बन्धित समाचार
राइड सेयरिङविरुद्ध पोखराका यातायात व्यवसायीको आन्दोलन
खेलमा उत्कृष्ट नतिजा दिन मन्त्री थापाको आग्रह
पोखरा ११ मा वृक्षरोपण
पोखरा आदर्शमा विद्यार्थी स्वागत
न्यु ग्यालेक्सीमा नवआगन्तुक विद्यार्थीलाई अभिमुखीकरण
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१