काठमाडौं । देशकै प्रमुख व्यापारिक नाका वीरगञ्ज नाका हुँदै नेपालका लागि आयात हुने पेट्रोलियम पर्दाथको कारोबारमा गत आर्थिक वर्षको तुलनामा यस आर्थिक वर्षमा उलेख्य वृिद्ध भएको छ । गत आर्थिक वर्ष २०७७/७८ को पहिलो ६ महिनाको तुलनामा चालू आर्थिक वर्ष २०७८/७९ को सोही अवधिमा ३३ अर्ब ४८ करोड २९ लाख बढी मूल्यको १० लाख ७ हजार ६ सय ९० लिटर इन्धन बढी आयात भएको हो ।
पेट्रोलियम पदार्थअन्तर्गत डिजल, पेट्रोल, मट्टितेल, हवाई इन्धनलगायत पर्दछन् । आर्थिक वर्ष २०७७/८७ को साउनदेखि पुससम्मको ६ महिनामा वीरगन्ज नाका प्रयोग गरी ३१ अर्ब ८९ कराड २१ लाख मूल्यको ७ लाख ८ सय ३५ लिटर इन्धन आयात भएको तुलनामा चालु आवको सोही अवधिमा ६५ अर्ब ३७ करोड ५१ लाख मूल्य बराबरको १७ लाख ८ हजार ५ सय २५ लिटर डिजल पेट्रोल, मट्टितेल तथा हवाइ इन्धन आयात भएको छ ।
यो समीक्षा अवधिको तुलनामा १ सय ५ प्रतिशत बढी मूल्यको १ सय ४४ प्रतिशत इन्धन आयात भएको हो । कोरोना संक्रमणका कारण गतवर्ष उद्योग व्यापार, यातायात, विकास निर्माण कार्य प्रभावित भएका कारण इन्धनको आयातमा कमी आएको थियो । चालु आवको पहिलो ६ महिनामा कोरोनाको प्रभाव खासै यी क्षेत्रमा नदेखिएका आयात वृद्धि भएको भन्सार कार्यालयका सूचना अधिकारी सुमीत गुप्ताले जानकारी दिए ।
उनले गत आवको पहिलो ६ महिनाको तुलनामा चालु आवको सोही अधिमा डिजल २२ प्रतिशत, पेट्रोल २५ प्रतिशत, हवाई इन्धन ३ हजार २ सय ८८ प्रतिशत, खाना पकाउने ग्यास १५ प्रतिशत बढी आयात भएको छ भने मट्टितेलको आयात ४० प्रतिशत कम भएको बताए ।
गत आर्थिक वर्षको पहिलो ६ महिनामा वीरगन्ज नाकाबाट २३ अर्ब १० करोड ३४ लाखको ५ लाख ४ हजार ४ सय १७ केल डिजल, ७ अर्ब ४८ करोड २१ लाखको १ लाख ६४ हजार १ सय ६६ केल पेट्रोल, १ अर्ब ५ करोड ९८ लाखको २६ हजार १ सय १२ केल हवाइ इन्धन र २४ करोड ६६ लाखको ६ हजार १ सय ४० केल मट्टितेल आयात भएको थियो ।
चालु आवको सोही अवधिमा ४४ अर्ब ४१ करोड ८१ लाखको ६ लाख १४ हजार ३ सय ४८ केल डिजल, १६ अर्ब १२ करोड ९ लाखको २ लाख ५ हजार २ सय ५२ केल पेट्रोल,४ अर्ब ४३ करोड २३ लाखको ८ लाख ८४ हजार ७ सय ६४ केल हवाई इन्धन र ३४ करोड ३७ लाखको ४ हजार १ सय ६० केल मट्टितेल आयात भएको सूचना अधिकारी गुप्ताले जानकारी दिए ।
उनले गत वर्ष इन्धन आयातबाट २४ अर्ब ९७ करोड ७८ लाख राजस्व संकलन भएको थियो भने चालु आवको ६ महिनामा ३३ अर्ब ४९ करोड ७६ लाख संकलन भएको बताए । त्यसै यहाँको नाका प्रयोग गरी खाना पकाउने एलपी ग्यासको आयात १५ प्रतिशत बढी भएको छ । गत आर्थिक वर्षको पहिलो ६ महिनामा ७ अर्ब ४९ करोड ४८ लाख मूल्यको १ लाख १९ हजार ७ सय मेट्रिक टन आयात भएको तुलनामा चालु आवको सोही अवधिमा १५ अर्ब २५ करोड ६३ लाखको १ लाख ३७ हजार ३ सय ७३ मेट्रिकटन ग्यास आयात भएको भन्सार कार्यालयले जनाएको छ ।
Related News
सम्बन्धित समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
पोखराको गन्नीलाई रनिङ सिल्ड
hero news full width
मुख्य समाचार
लीलादेवी बनिन् पहिलो महिला मुख्यसचिव
राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१कन्टेनरमा बजारिएर दुई टुक्रा भयो, अनि आगो लाग्यो
श्रावण ९, २०८१सौर्य एयर दुर्घटनामा १८ जनाको मृृत्यु
श्रावण ९, २०८१त्रिभुवन विमानस्थलमा सौर्यको जहाज दुर्घटना
श्रावण ९, २०८१