पोखरा । नेकपा (एमाले) पोखरा २४ मा टोल कमिटी गठन गरिएको छ । वडाका ेराउसेओडार गिरी गाउँ, थापागाउँ टोल कमिटी अध्यक्षमा चन्दन पुरी, पाटेस्वारा छिपछिपेपानी टोल कमिटी अध्यक्षमा नवीन त्रिपाठी चयन भए ।
साविक कास्कीकोट वडा ६ टोल कमिटीमा राज विश्वकर्मा, मौला टोल कमिटी अध्यक्षमा टीकाराम त्रिपाठी चयन भए । राउसे ओडार गिरी गाउँ, थापा गाउँमा एमाले जिल्ला कमिटी सदस्य एवं वडा अध्यक्ष ओम सुवेदी, जिल्ला कमिटी सदस्य एकराज गिरी, महागनर कमिटी सदस्य, अग्निधर त्रिपाठी, एमाले वडा कमिटी उपाध्यक्ष लोकराज गिरी, सल्लाहकार कमिटी सदस्य धर्म गिरी, महानगर युवा परिषद सदस्य प्रकाश गिरी लगायतले बोलेका थिए ।
त्यस्तै, प्रदेश कमिटी सदस्य टंकप्रसाद सुवेदी, जिल्ला कमिटी सदस्य विवेक त्रिपाठी, संगीता सुवेदी, महानगर सदस्य मनहरी त्रिपाठी, एमाले वडा कमिटी अध्यक्ष शिवप्रसाद सुवेदी लगायतले पोखरा २४ मा एमालेको विरासतलाई कायम राख्दै अबको स्थानीय तहको निर्वाचनमा विजयी गराउने गरी एकताबद्ध भएर अघि बढ्नुपर्ने बताए ।
पार्टीले १० औं जिल्ला अधिवेशनपछि टोल कमिटी गठनलाई तीव्रता दिएको छ । एमाले र माओवादी केन्द्रको एकीकरण भएपछि टोलदेखि केन्द्रसम्मका अधिवेशन विगत ८ वर्षदेखि नहुँदा चलायमान बन्न सकेका थिएनन् । सर्वोच्चको फैसालसँगै दुवै पार्टी पहिलेकै अवस्थामा फर्केपछि एमालेले आफ्नो केन्द्रीय, जिल्ला, पालिका र वडा कमिटीहरुको अधिवेशन सम्पन्न गर्दै नयाँ नेतृत्व चयन गरिसकेको छ ।