पोखरा । नेपाली कांग्रेस कास्कीले अधिवेशनको बेला हुने भड्किलो प्रचारमा रोक लगाएको छ । कास्की कांग्रेसका सभापति कृष्ण केसीको अध्यक्षतामा मंगलबार बसेको बैंठकले उक्त निर्णय गरेको हो ।

अब उम्मेदवारले भड्किलो गरी प्रचार सामग्रीको प्रयोग गर्न नपाउने कास्की कांग्रेसका प्रवक्ता नवीन सिग्देलले जानकारी दिए ।

उम्मेदवारले आफ्नो परिचयका लागि व्यक्तिगत रुपमा एउटामात्रै सामग्री घाँटीमा झुन्ड्याउन सक्नेछन्, प्रवक्ता सिग्देलले भने, त्यसबाहेक भड्किलो गरी अन्य प्रचार सामग्रीको प्रयोग गर्न पाइने छैन ।

निर्वाचनस्थलमा उम्मेदवारसँग सम्बन्धित प्लेकार्ड र पर्चा वितरण गर्न पनि पाइने छैन भने ब्यानर प्रदर्शनलाई समेत रोक लगाइएको छ ।

पार्टीको आन्तरिक निर्वाचनलाई स्वच्छ, मर्यादित र भड्किलोरहित बनाउन पार्टीले त्यस्तो निर्णय गरेको प्रवक्ता सिग्देलको भनाइ छ ।

बैठकले कार्यसमितिका ११ जना आमन्त्रित सदस्यलाई पूर्ण सदस्यमा मनोनयन गरेको छ ।