नेपाली भाषा ज्ञान प्रतियोगिता

आदर्श समाज सम्वाददाता
कार्तिक २८, २०७८
nepali bhasa

पोखरा । नेशनल प्याप्सन कास्कीले आयोजना गरेको नेपाली भाषा ज्ञान प्रतियोगिता शुक्रबार सम्पन्न गरेको छ । विद्यार्थीको नेपाली भाषा, ज्ञान, सीप विकास गर्ने उद्देश्यले आयोजना गरिएको उक्त प्रतियोगितामा नेशनल प्याप्सनका २८ वटा विद्यालयको सहभागिता थियो ।
प्रतियोगितामा अञ्जुली बोडिङ स्कुल टुँडिखेल प्रथम, डायमन्ड मोडल बोर्डिङ स्कुल बेगनास द्वितीय र अल्फा एकेडेमी स्कुल लेखनाथ तृतीय स्थान हासिल गरेका थिए भने त्रिवेणी बोडिङ स्कुल अर्घौचोकले सान्त्वना स्थान हासिल गरेको थियो ।
गण्डकी प्रज्ञा प्रतिष्ठानका कुलपति सूर्यबहादुर खड्का विखर्चीको प्रमुख आतिथ्यमा भएको कार्यक्रमको अध्यक्षता नेशनल प्याप्सनका अध्यक्ष हेमन्त अधिकारीले गरेका थिए । कार्यक्रम संयोजक गौरव थापा थिए । कार्यक्रमको सञ्चालन तोलाकान्त न्यौपानेले गरेका थिए । विजेतालाई पुरस्कार वितरण गरिएको थियो । नेशनल प्याप्सन कास्कीले विद्यार्थीका लागि मासिकरुपमा यस्ता रचनात्मक कार्यक्रम गर्दै आएको कार्यक्रम संयोजक गौरव थापाले बताए ।

Related News

सम्बन्धित समाचार

hero news full width