४ दशकपछिको भेटले चिन्नै मुस्किल

आदर्श समाज सम्वाददाता
कार्तिक २७, २०७८
talbarahi~

पोखरा । विद्यालयका सहपाठीको झन्डै ४० वर्षपछिको भेट कस्तो होला ? कतिपयलाई त आपसमा चिन्न पनि मुस्किल पर्ने ।
जुँगाको रेखीसमेत नबसेको अनुहार छपप्कै दाह्रीकपालसमेत फुलिसकेको देख्दा झुक्किनु स्वभाविकै हो ।
यस्तै भयो, लेकसाइडस्थित तालवाराही माविका भूपू विद्यार्थीको भेट ।
२०४० सालको एसएलसी व्याचका विद्यार्थीको एक समूह लेकसाइडस्थित बुमर्‍याङ रेन्टुरेन्टमा बिहीबार भेला भउको थियो ।
विद्यालयका पहिलो ब्याचका उनीहरु एकअर्कालाई चिन्न हम्मेहम्मे परेको रेष्टुरेन्टका सञ्चालक समेत रहेका सहपाठी गणेशबहादुर भट्टराईले बताए । साथीको त्यसबेलाको कलिलै अनुहार मनस्तिष्कमा लिएर भेटघाटमा उपस्थित हुँदा सबै जना चकित परे । विगतमा फर्किंदा सबैको मुहारमा अनौठो हाँसो फुरेको थियो । उनीहरुले एक पटक नाम, ठेगाना र पेसासहित परिचय कार्यक्रम गरे । ३२ सहपाठीहरुले लामो कालखण्डपछि आपसमा दुखसुख साटे । उनीहरुले पुराना साथीहरु आगामी दिनमा संगठित भएर अघि बढ्ने प्रतिवद्धता गरे । भोलिका दिनमा आइपर्ने समस्याविरुद्ध जुध्न कोष खडा गर्ने निर्णयसमेत गरेका छन् ।
लामो समयपछि बेलायतबाट फर्र्किएकी लक्ष्मी थापाले रेवान पोखराका पूर्वाध्यक्ष समेत रहेका बलराम पहारीसँगको समन्वयमा साथीभाइको भेटघाटको चाँजोपाँजो मिलाएकी हुन् । आतिथ्यताको व्यवस्थापन मिलाइदिएकोमा सहपाठीहरुले अग्रज पर्यटन व्यवसायीसमेत रहेका गणेशबहादुर भट्टराईलाई धन्यवाद दिए ।

Related News

सम्बन्धित समाचार

hero news full width

Recent Posts

भर्खरै