पोखरा । राष्ट्रिय अपांग महासंघ नेपालले बिहीबारदेखि सुरु हुने राष्ट्रिय जनगणनामा वास्तविक अपांगता भएका व्यक्तिको विवरण नछुटाउन आग्रह गरेको छ ।
महासंघ गण्डकी प्रदेशले बुधबार पोखरामा पत्रकार सम्मेलन गरी भरपर्दो तथा अन्तर्राष्ट्रियस्तरमा तुलनायोग्य तथ्यांकको अभावमा नेपाली अपांगता भएका व्यक्ति अझै पनि विकासको मूलधारमा आउन नसकेको भन्दै विवरण संकलन नछुटाउन सो कुरामा जोड दिएको हो ।
केन्द्रीय तथ्यांक विभागले ‘मेरो जनगणनाः मेरो सहभागिता’ भन्ने मूलनारासहित गर्न लागेको राष्ट्रिय जनगणना–२०७८ लाई अपांगता समावेशी बनाउन गरेको प्रयास सह्राननीय रहेको भन्दै ती सकारात्मक प्रयासलाई थप बल प्रदान गर्न र गण्डकीमा बसोबास गर्ने सबै अपांगता भएका व्यक्तिको यकिन तथ्यांक ल्याउन सकियोस् भन्ने मूल उद्देश्यले महासंघ गण्डकीले प्रदेशमा अभियानसमेत सञ्चालन गरेको जनाएको छ ।
महासंघ गण्डकी अध्यक्ष खोमराज शर्माले अपांगता भएका व्यक्तिको बहुपक्षीय एवं वास्तविक तथ्यांक प्राप्त गर्न, अपांगता भएका व्यक्तिका लागि प्रभावकारी नीति, कार्यक्रम र सेवासुविधा तर्जुमा गर्न, अपांगता भएका व्यक्तिको आर्थिक तथा सामाजिक अवस्थाको बारेमा सरोकारवालालाई जानकारी उपलब्ध गराउन पनि जनगणना महत्वपूर्ण रहेको बताए ।
विश्व स्वास्थ्य संगठनका अनुसार विश्वको कुल जनसंख्याको झण्डै १० देखि १५ प्रतिशत जनसंख्या कुनै न कुनै अपांगतासँग बाँचिरहेका छन् । अपांगता भएका व्यक्तिको कुल जनसंख्याको ८० प्रतिशत विकासोन्मुख देशमा बसोबास गर्दछन् भन्ने अनुमान छ । नेपालमा अघिल्लो जनगणनाअनुसार अपांगता भएका व्यक्ति कुल जनसंख्याको १.९४ अर्थात् ५ लाख १३ हजार छन् भने गण्डकीमा कुल जनसंख्याको २.०३ प्रतिशत रहेको छ । प्रदेश अध्यक्ष खोमराज शर्माको अध्यक्षतामा भएको कार्यक्रमको सञ्चालन महासंघ गण्डकीका सल्लाहकार एवं कास्की नेत्रहीन संघका अध्यक्ष श्रीकान्त सापकोटाले गरेका थिए ।
Related News
सम्बन्धित समाचार
बेनी–जोमसोम सडक अवरुद्ध
निशुल्क कपाल काट्ने तालिम
कंक्रिट संरचनाले घट्दैछ धानखेत
‘कांग्रेस–एमाले मिलाउनु रास्वपाको उपलब्धि’
मापदण्ड मिचेका संरचना हटाउन सुरु
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१